Nicklos fort erbrich(t)er zu golibge vnd d(er) schepphe d(er) selbest Lantzchang mathie
rodeler peter kelner Conrad falkenhay(n) xp(ist)of(er)us rule paul ruprecht han(n)s
grube bekenne(n) das vor vns In gehegtem dinge michel zcink hat bekant das
he hat vorkauft eyne halbe mark Jerczliche(n) czinses vm(b) funf mark g(ro)ss(en) uf
syn(er) huse vnd erbe vnd al and(er) syn gut In stadrechte dem e(r)wirdig(en)
h(er)ren den Crucig(er)n In d(er) p(re)latura vnd globet en den czins alle Jar zu geb(e)n
uf michaelis Ab das nicht gescheh So sal en der rath lossen phand(e)n helff(e)n
uf al dem egena(n)ten gute dy sy mog(e)n vorsetz(e)n ad(er) vorkeuf(e)n vor den vord(er)st
sen czins ane uffletu(n)ge d(er) recht(e)n als ab alle recht do mete wer(e)n beczalt
vnd the(n) zcins ab dy seynen den czins well(e)n wid(er) abekeuf(e)n mit funf mar=
ken grossen vnd den vord(er)st(e)n czins mete geb(e)n So sull(e)n sy en wid(er) zukeuf(e)n
geb(e)n vngehind(er)t Gegeb(e)n vn(d) besigelt v(n)d(er) b(r)ief(e)n am frytage noch fra(n)cisci
Anno d(omi)ni m(illesimo) cccc(esimo) decimo octauo