Wir Albrecht von gotis gnaden zu Behemen hawptman der ffurstenthumen Swidnicz vnd Jawbor Bekennen offentlich mit desim brife
allen den die en sehin horen ader lesin das fur vns komen ist der strenge ritter her Janko von Chotiemicz vnserm furstenthum gesessin bey guter vornunfft
vnd gesuntem leybe vnd hat mit wolbedochtem mute recht vnd redlich in vorfatzunge weise vorkoufft vorreicht vnd in vnser hande williglichen vffgelassin dem
Erbarn vnd wolandachtigen Sandern von Grunaw zemen erben vnd rechten nochkomen namlich tochteren als zonen newnhundertvenczig marg gelds jerlicher
geschossir vmb iamen yde marg gelds fur czehn marg grosschen prager moncze polnischer czal die her gehabt hat in vnd vff den gutern vnd dorffern zu lossin
vnd zu parrandorff beyde in dem weichbilde zur Stregen gelegen von den hundert schogken gelds jerlicher geschossir die demselben hern Janken von chotiemicz
von dem Alludurchlauchtigsten ffursten vnd hern hern Wenczlawen romischen kunigis vnd kunig zu Behemen seligis gedechtnis vff etliche guter vnd
dorffer als vff tyczelsdorff sperczindorff damerichen postelicz czoyteling Eyserdorff lalbnicz Cunczu damansdorff pestern vnd vff die ledighofe alle yn
dem weichbilde zur Stregen gelegen vnd sonderlich vff die vorbenan dorffer lossin vnd parrandorff vorschreben seyn als das desselben kunigis maiestat briff
der dorobe geschrebin vnd gegebin ist den wir gesehin vnd gehort lesin habin besagit vnd vsweiset dorumb so gebieten wir ernstlich in crafft dicz brifes von vnsers
gnedigen herren des kunigis wegin allen vnd iglichen richtern scholczen purnern vnd der ganczen gemeynd der eygenen dorffer lossin vnd parrandorff
die itzunt seyn vnd yn zukunfftigen czeiten doselbst seyn werde das sie dem genan Sandern von grunaw zemen erben vnd kindern tochteren als zonen vnd rechten
nochkomen die vorbenan newnhundertvenczig marg gelds jerlicher geschossir vff gewonliche tage ierlichen richten vnd beczalin in aller mosse vnd weyse
als sie der vorgenan her Janko von Chotiemicz selber jngenom besessin vnd entpfangin hat vngehindert als lieb en sey vnsers gnedigstin herren des kunigis hulde vnd
genade zubormeidin doch also vornemlich vnd mit sulchem vndirscheide das der vorbenan her Janko von chotiemicz zeme erben vnd rechten nochkome die vor
benan newnhundertvenczig marg gelds ierlicher geschossir widirkouffin vnd losin mogin in amlich yde marg gelds fur czehn marg grosschen der obgenan moncze
vnd czal wen sie wollen vngehindert czu sulchem kouffe yn vorfatzunge weise vorreichtunge vnd vfflassunge thun wir von kuniglicher gewalt zu Behemen
vnsirn willen vnd gunst Begeben vnd habin dem obgenan Sandern von grunaw zemen erben vnd kindern tochteren als zonen vnd rechten nochkome die vor
benan newnhundertvenczig marg gelds jerlicher geschossir in vnd vff den vorgeschrebin gutern vnd dorffern zu lossin vnd zu parrandorff von den eygenen
hundert schogken gelds die der vorbenan her Janko von Chotiemicz hat vff den obgeschrebin dorffern in aller mosse meynunge vnd vndirscheide als obnige
schrebin stehe gelehin vnd gelangt leihin vnd langen gemachsam vnd vngehindert zuhabin zubesiczen zunorkouffin zovorsetzin in am yde marg gelds fur
czehn marg grosschen der obgenan monczen vnd czal vnd nicht hoer vnd den obgenan her Janken von chotiemicz seyne erben vnd rechten nochkome
an den widirkouff vnd losunge zulossin onse hiern des kunigis lehn vnd rechten vnschedlich czur orkunde dicz brifes vorsigilt mit des obgenan
vnsers hern des kunigis anhanginden jngesigill das wir von seynen wegin als ein hawptman in den obgenan ffurstenthum der lehn vnd sachen pflag
welchs bescheen zun Jawbor vnd doben zur Swidnicz noch crists gebort vyerczenhundert jar dornoch in dem funffvnddreissigstin jar am nehstin
ffreytage fur michaelis dobey seyn gewest die wolandachtigen Gunczman Schindel hannos predill von Gemandorff vnd nikel von Seydlicz her
heman genat Tanczler vnd hofferichter zur Swidnicz der desin briff Behabt hat in befelunge