FRATER MARTINVS GARZES
Dei gratia sacra domus Hosp(ita)lis sancti Joannis Hier(osolimitani) Mag(iste)r humilis pauperumq(ue) Jesu Christi custos et Nos Conuentus domus eiusdem. Vniuersis et sin=
gulis p(rese)ntes n(ost)ras l(itte)ras visuris lecturis et audituris salutem in d(omi)no et prosperos aduota successus. Summa ope, solerti studio accurataq(ue) diligentia nos
Jugiter niti atq(ue) inuigilare decet, vt omnia et quacu(m)q(ue) n(ost)ri co(mmun)is ærarij Jura et debita pro catholica fidei tuitione christiana gentis tutela, et pijs sacræ
hospitalitatis operibus exercendis deputata et adscripta recuperentur colligantur et fideliter conseruentur et cum id facere per nos non possimus, co=
gimur procu(rato)res constituere qui vices n(ost)ras impleant. Confidentes igitur de summa fidei probitate singulari prudentia diligentia et experientia
Ven(erabilis) Religiosi in Christo nobis præchariss(i)mi fr(atr)is Matthei Leopoldi Poppel Baronis de Loub rouils Prioratus n(ost)ri Bohemiæ Prioris inuicem maturo et de=
liberato consilio de n(ost)ra certa scientia eumdem Ven(erabile)m fr(atr)em Mattheum Leopoldum Poppel absentem tanq(uam) p(rese)ntem omni meliori via, modo Jure, et
forma, quibus melius et validius facere possumus, et debemus, citra t(ame)n reuocationem alioru(m) n(ost)rorum procuratorum, in diuersis mundi partibus, co(n)=
stitutorum tenore p(rese)ntium, facimus, creamus, constituimus, et sole(m)niter ordinamus n(ost)rum n(ost)riq(ue) dicti ærarij et ordinis procu(rato)rem, actorem, factorem, negotior(um)
infrascriptoru(m), gestorem, et nuntium, spetialem, et g(e)n(er)alem. Ita tamen q(uod) spetialitas g(e)n(er)alitati non deroget nec contra. V(idelicet) spetialiter et expresse ad n(ost)ro
dictiq(ue) co(mmun)is ærarij et ordinis nomine Religiosum in Christo nobis chariss(imu)m fr(atr)em Henricum Lorigo in dicto Prioratu, pro n(ost)ro dicto co(mmun)i ærario receptorem
visitandum eumq(ue) ad r(ati)o(n)i reddendum, et manifestandum, computa, et rationes de pecunijs exactis, et exigendis fructibusq(ue) redditibus prouentibus, recollec=
tis introitu et exitu ratione administrationis dictæ receptoriæ dari, et reddi faciendum, Reseruato computo finali per ipsum in camera computor(um) Juxta formam statutorum
reddendo aut dicitur arrestando. Item in Cap(itu)lo prouintiali dicti Prioratus Bohemiæ Interueniendum, hortandum, monendum, et si opus fuerit debitis remedijs compellen=
dum, omnes et quoscumq(ue) fr(atr)es, et Religiosos n(ost)ros, quauis auct(oritat)e dignitate officioq(ue) fungentes, ut soluant et realiter numerent, responsiones, et Jura dicti co(mmun)is ærarij impo=
sita quæcumq(ue) et qualiacumq(ue) fuerint, etiam per proxime præteritum g(e)n(er)ale Capitulum integre sine aliqua diminutione, etiam restantes summas siue arreragia et
debita, per eosdem seu al(ia)s quomodolibet super Comendis, membris, beneficijs, et bonis ordinis n(ost)ri quæ possident contracta, et pro tempore contrahenda. Nec non g(e)n(er)al(ite)r
omni alia et singula faciendum, procurandum, et adimplendum, in præmissis, et quolibet præmissoru(m), quæ p(ræfa)to Ven(erabili) procu(rato)ri conducibilia et quomodolibet opportu=
na, et necessaria visa fuerint, pro maiori co(m)modo, et vtilitate, dictæ n(ost)ræ Religionis, et ærarij, et quæ nosmet facere, et adimplere possemus, si adessemus, etiam si talia fo=
rent, quæ magis spetiale mandatum exigerent quam p(rese)ntibus sit expressum. Promittentes bona fide habere ratu(m), gratu(m), et firmu(m), omne id, et quicquid per ante dictu(m)
Ven(erabilem) n(ost)rum procu(rato)rem, actum, factum, gestum~ue~ fuerit. In cuius rei testimonium Bulla n(ost)ra co(mmun)is plumbea p(rese)ntibus est apensa. Datu(m) Melitæ in Conuentu n(ost)ro Die
Vigesima secunda mensis nouembris Mill(esim)o quing(entesim)o nonag(esim)o quinto