Frater Joannes Paulus Lascaris Castellar
Dei gra(tia) Sacræ Domus Hospitalis S(an)cti Joannis Hiero(solimitani) et Militaris Ordinis S(an)cti Sepulchri Dominici Magister humilis pauperumq(ue) Jesu Christi Custos. Et Nos Conuentus
Domus eiusdem. Vniuersis et singulis p(ræsen)tes nostras litteras uisuris, lecturis et audituris, Sal(ute)m in Domino, et prosperos ad uota successus. Summa ope, solerti studio, accurataq(ue) solertia
Nos iugiter niti, atq(ue) inuigilare decet ut omnia, et quæcunq(ue) nostri Ordinis, eiusq(ue) Ærarij debita bona, et Jura pro cultu Diuino, Catholica fidei tuitione, Christiana gentis tutela, atq(ue)
ipsa Sacra Hospitalitatis operibus exercendis, deputata recuperentur, conseruentur, maioraq(ue) in dies suscipiant incrementa; Et cum id per nostram præsentiam facere nequeamus
ubiç(ue) enim adesse non possumus Procuratores fidos ad id deputare decreuimus, qui uices nostras impleant. Confidentes igitur de summa fidei probitate, cura, et solertia ac dili
gentia Religiosi in Christo Nobis Char(issi)mi fratris Ferdinandi Libsteynski Baroni Kolouurat Commendat(oris) nostrar(um) de Strigau, et de Machouu, Prioratus nostri Bohemiæ
Commendatarij, citra tamen reuocationem alior(um) nostror(um) Procurator(um), in diuersis mundi partibus constitutor(um). Reuocantes prius Procurationem Receptoriæ infrascriptæ in per
sonam Religiosi in Christo Nobis Char(issi)mi fratris Josephi Rabatta per Nos alias emanatam. Innuicem maturo, et deliberato Consilio, de nostra certa scientia. Consentientib(us) ad
hæc Ven(erabili) Magno Commen(datore), et Procuratorib(us) nostri Comunis Ærarij, idq(ue) pro indemnitate, et commodo eiusdem Ærarij fieri requirentib(us). Eundem Commen(datorem) fratrem Ferdinandum Lib
steynski Baronem Kolouurat absentem, tanquam præsentem omni meliori via, modo, Jure, et forma, quibus melius, et utilius facere possumus et debemus, tenore p(ræsen)tium facimus
creamus, constituimus, et solemniter ordinamus nostrum, nostriq(ue) Ordinis, et Jurium eiusdem Ærarij Receptorem, Collectorem, procuratorem, actorem, negotiorumq(ue) nostror(um) gestore(m)
Sindicum, ac Nuncium nostrum specialem, et generalem, ita tamen quod specialitas generalitati non deroget, nec è contra, videlicet, Specialiter, et expresse Ad nostro, dictiq(ue) Ærarij
et Ordinis nomine in Prioratu nostro prædicto Bohemiæ petendum, recipiendum, habendum, recuperandum, et exigendum à Ven(erabili) Priore dicti Prioratus Bohemiæ, Baiuliuis
Commen(datoribus) et fratrib(us) ac alijs intra limites ipsius Prioratus constitutis, nostri Ordinis bona possidentibus, et possessuris, omnia et singula arreragia, et debita per eos hactenus
contracta, et pro tempore contrahenda erga nostrum Comune Ærarium, et ordinem, etiam spolia mortuarior(um), et uacantiu(m), ac etiam passagia fratrum, ordinem nostrum
profitentium, Jtem responsiones, jmpositiones, et quæcunq(ue) onera super eisdem jmposita, et jmponenda, et generaliter omnes pecuniar(um) summas, et quæcunq(ue) bona, à
quocunq(ue), et quauis de causa Nobis, dictoq(ue) Ærario, et ordini debita, et infuturum debenda, et de receptis tantum quietandum, liberandum, et absoluendum. Quietan
tias quoq(ue) perpetuæ ualituræ faciendum, et secundum uoluntatem nostram disponendum. Jtem Prioratum, Commendas, et bona prædicta male soluentium quæcunq(ue)
fuerint super quibus dicta arreragia, et debita sunt, et pro tempore fuerint contracta, fructusq(ue), et redditus eorundem ad manus suas nostriq(ue) Communis Ærarij apprehen
dendum, capiendum, administrandum, colligendum, seu colligi, et administrari faciendum donec et quousq(ue) idem Commune Ærarium integram satisfactionem acceperit iux
ta constitutiones Cap(itu)lares, et formam Stabilimentor(um) nostror(um), atq(ue) in Cap(itu)lo Prouinciali, seu Assemblea dicti Prioratus, seu alias ubi opus fuerit contra male soluentes
huiusmodi complementu(m) Justitiæ petendum, et consequendum. Nec non pro his, et horum ratione (si opus fuerit) contra huiusmodi male soluentes auxilium, et fauorem
brachij Secularis à Sacra Cæsarea Maiestati, Ill(ustrissi)mis Prælatis, Potestatibus, et quibuscunq(ue) Magistratibus tam Ecclesiasticis, quàm Secularibus, in quor(um) Jurisdictionib(us)
bona huiusmodi fuerint constituta ac coram eis, et eorum quolibet toties quoties opus fuerit in Judicio, et extra comparendum, agendum, experiendum, et iura dicti Æra
rij, et Ordinis n(ost)ri allegandu(m), exhibendu(m), producendu(m), et Justitiæ administratione(m) complementumq(ue) petendum, et obtinendum; Dantes, et concedentes d(ic)to nostro Procuratori,
et Receptori in præmissis, et quolibet præmissor(um) plenam, liberam et plenissimam auctoritatem, facultatem, et potestatem totaliterq(ue) uices nostras quaru(m) uigore ea possit exequi
et adimplere quæ nosmet facere, et adimplere possemus, si personaliter adessemus, etiam si talia forent, quæ magis speciale mandatu(m) exigerent, quàm p(ræsen)tibus sit expressu(m).
Concedentes insuper d(ic)to nostro Procurat(ori), et Recept(ori) auctoritatem, et facultatem ad lites tantum unum, uel plures procuratorem, seu procuratores substituendi, et eum, uel
eos toties, quoties ei beneuisum fuerit reuocandi, et alios subrogandi, p(ræsen)ti procuratorio, semper in suo robore duraturo. Promittentes bona fide habere ratu(m), gratu(m),
et firmu(m) quicquid in præmissis, et circa præmissa per dictum n(ost)rum Procur(atorem), et substituendos ab eo actu(m), factu(m), gestu(m), receptum, quietumq(ue) fuerit sub hypoteca, et
bligat(ione) omnium bonor(um) nostror(um) dictiq(ue) Ordinis p(ræsen)tium, et futurorum. Jn cuius rei testimonium Bulla nostra Communis plumbea p(ræsen)tibus est appensa. Datum
Melitæ in Conuentu nostro Die Vigesima Secunda Mensis Januarij Millesimo Sexcentesimo Quinquagesimo Quarto ab Jncarnatione.
F(rater) in Cancell(aria)
F(rater) Jo(annes) Fran(ciscus) Abela Vicecanc(ellarius)