In nomine domini amen Anno Natiuitatis eiusdem Millesimo Quadringentesimo Vicesimotercio Indiccione prima quinta feria ipso
die sancte Agnetis die Vicesimaprima mensis Ianuarij Hora vesperorum uel quasi Pontificatus sanctissimi in christo patris et domini nostri domini
Martini diuina prouidencia pape quinti Anno ipsius sexto In Zittauia pragen(sis) diocesis In domo dotis ecclesie parochialis in
Eckarts amori sitam sala superiori In mei notarij publici infrascripti testiumque pariter subscriptorum ad hoc vocatorum et
rogatorum presencia personaliter constituta honesta matrona domina Dorothea consors olim quondam conradicalis lenna bone memorie
petri gowald carnificis ciuis de zittauia sana corpore et compos sue mentis existens non compulsa nec coacta neque
aliqua fraude circumuenta sed sponte et libere maturaque deliberacione prehabita perpendens humane condicionis miseriam
et qualiter vite statum fragilem et instabilem et quod nichil cercius morte et incercius uel hora mortis Ideo volens diem
extremum sue mortis pijs operibus preuenire ac terrena pro celestibus et transitoria pro eternis felici comercio commutare de
bonis et rebus suis ei adeo altissimo collatis fecit condidit disposuit et ordinauit sue vltime voluntatis irrenocabile
testamentum infrascriptum Eiusdemque sui testamenti meliori modo via Iure et forma quibus melius et efficacius fieri potuit
et debuit fecit constituit et ordinauit suos veros et legitimos testamentarios fideicommissarios et executores videlicet
religiosos viros dominos conmedatorem ac pictanciarium aliosque fratres domus sancte crucis parochialis ecclesie in Zittauia
ordinis fratrum cruciferorum cum stella in rubeo campo ad quos et eorum successores omnem spem suam quod non sit melior
condicio occupantibus sed quod ipsam prout inceptum fuit paulatim uel alios persequi valeat et finiri disponere et ordinare
ac valere notabiliter et expresse huius testamenti sui disposicionem infrascriptam debent prout infrascripti per eos testamentarios
suos fore exequendam In primis quidem prefata domina Dorothea testatrix dedit donauit legauit ac pie deputauit
duodecim sexagenas grossorum monete pragen(sis) sexaginta pro qualibet ipsarum computando In et super omnibus et singulis bonis
et rebus suis habitis et habendis vbicumque consistentibus quibuscumque nominibus possint nuncupari prelibatis dominis conmedatori
et tractanciario alijsque fratribus domus sancte crucis parochialis in Zittauia antedicte Quasquidem pecunias duodecim sexa
genas conmedator et pictanciarius alijque fratres domus sancte crucis predicte qui fuerint pro tempore debent post mortem ipsius domine
Dorothee testatricis cum pace tollere et leuare de bonis ipsius relictis et per ipsas pecunias duodecim sexagenas grossorum
annum perpetuum emptorem quem poterint et vbi eis comodius videbitur pro et super vsibus suis emere et comparare
Racione cuiusquidem census et pecuniarum prescriptarum conmedator et pictanciarius ac alij fratres domus sancte crucis predicte
pro tempore existentes uel capellanus seu vicarius suis tenebuntur et debent ipso die quo ipsam dominam Dorotheam ab hac luce
migrare contigerit vigilias cum nouem leccionibus et in crastino missam defunctorum et deinceps annis singulis perpetuis temporibus
in anniuersario ipsius domine Dorothee scilicet vigilias cum nouem leccionibus et in crastino missa defunctorum ad altare deputatum
dei et crucis gloriose virginis marie cantare et celebrare cum vno pro medio et salute anime ipsius domine Dorothee testatricis parentum
annorum et procreatorum suorum ac aliorum pro quibuscumque sine negligencia et obmissione decantare Et quocienscumque vigilias fient
et dicentur vigilias et missam defunctorum pro anima ipsius domine Dorothee testatricis et aliorum predictorum annuatim et in euo et
salute in anniuersario ipsius decantabunt tunc pictanciarius pro tempore existens vnicuique fratri conuentus chorum pro vigiliis
intrant(i) tenet(ur) et debet de predicto censu dare vnum grossum et pro dicta missam defunctorum decantanti vnum grossum et insuper
vnum ferculum bonum de piscibus et carnibus vltra fercula consueta et panem album in prandio pictancia et recreacione fratrum
et vicariorum parare et ordinare ad effectum in quibus consuetum prout inuenitur Item prefata domina Dorothea testatrix dedit donauit
legauit ac pie deputauit sibi duodecim sexagenas grossorum monete et numeri predictorum in et super omnibus bonis suis prelibatis
honeste domicelle Barbare nate bone memorie hanussij klinger pannifici ciuis de zittauia illas prout audieti et
intelligeti ac huius donacioni grate et sponte acceptanti ipsamque domicellam barbam post mortem ipsius domine Dorothee
testatricis de bonis ipsius suscipere huius tollendi leuandi et recipiendi per ipsius opus prout continebitur decedente autem
ipsius barbare virgine post mortem ipsius domine Dorothee testatricis bona eciam per ipsam barbam veluti ad prelibatos
conmedatorem et pictanciarium ac alios fratres domus sancte crucis predicte deuoluentur et conuertentur cuiuscumque hominis
non obstante racione quorum bonorum pro tempore eciam prelibati fratres pannalius dicte Dorothee testatricis et barbare virginis
et aliorum predictorum animabus salute deum altissimum in suis oracionibus tenebuntur pie exorare Insuper ad testamentum
suum voluit valere et in inmutare aut inuocare quacumque occasione uel causa omnibus per factum prout prelibati
religiosi viri domini Iohannes conmedator et nicolaus pictanciarius domus sancte crucis predicte ad premissa constituti
prout aliorum predictorum suorum nomine omnia huiusmodi testamentum in se assumentes huiusmodi disposicionem grata et spontanea acceptantes
promiserunt bona fide prout propria onera per se et successores suos fideliter per omnia et adimplere petentes vnacum
prelibata Dorothea testatrice et barbia virgine predictis a me notario publico infrascripto fieri per
testimonium vnum uel plura publica seu publica instrumenta Acta sunt hec Anno Indiccione die mense hora loco et pontificatu quibus supra
presentibus honorabilibus et discretis viris dominis Iohanne dicto homo andrea de blosssberck albarico seu capellanis ecclesie parochialis
ciuitatis zittauie antedicte de chynatha Bartholomeo de Iaua et anthonij artif(ice) et andrea de sparwelsswerde chori
eiusdem assistentibus et peritis duobus testibus fidedignis ad premissa vocatis pariter et rogatis

Et ego philippus natus quondam Iohannis de apholterig clericus Olomucensis diocesis publicus
imperiali auctoritate notarius quia testamenti disposicioni ordinacioni constitucioni donacioni
legacioni deputacioni omnibusque alijs et singulis suprascriptis dum sic ut premittitur agerentur
et fierent vnacum prenominatis testibus presens interfui eaque omnia et singula sic fieri vidi et audiui
manuque propria scripsi et in hanc publicam formam redegi signoque et nomine meis solitis
et consuetis consignaui rogatus et requisitus in fidem et testimonium omnium et singulorum premissorum