Wir Zbinko Berka Herr vonn der Daube vnnd auff Drakonitz Obrister Meyster des Iohannitsen Priorats Behaim e(tc) Romischer K(ayserlicher) May(estat) e(tc) Cammerer e(tc)
Bekennen vnd thun kundt mit dissem brieffe vor Idermenniglich Das vor vns Erschienen sein der Edle Wolgeborne Herr Cristoff Herr von Warttenbergk vnser vnd des
Ordens Commendator zur Sittaw vnd Hirschfeldt Vnnd der Erbar Hochgelerte Conradus Nesenus Sindicus vnd abgsandter von einem Erbarn Radt der Stadt Zittaw vnd
haben vnns vberreicht einen vortrag so die partt mit einander mit vnserm zu lassen wegen der Comptorey zur Sittaw auffgericht vnd schrifftlich eingebracht mit ferner bitt
solchen vortrag Ihnen zu bestetigen vnd Confirmiren Weyll wir aber mit vorgedachtem Radt vnser Ordens vorwandten entlichen befunden das volgender vortrag vns vn(d)
vnserm Orden an vnsern Priuilegien vnd vnser Comptorey zur Zittaw an Irem einkommen vnschedlich vnd vnnachtheillig sein soll Haben wir denselben In ansehen Ir beider
theils bitt vnnd folgendes Ires fridlichen beikhommens hiemit In Krafft dis brieffs bewilligt Confirmirt vnd bestetigt vnd hierin von wort zu wort wie nachfolget klerlichen auffge(n)
druckt
Zu wissen sey vnnd kundt vor Idenmenniglich wie das zwischen dem Edlen vnnd Wolgebornen Herren Herrn Cristoffen Herren von Warttenbergk vnd Commendatorn zur
Sittaw vnd Hirschfeldt e(tc) an einem Vnd einem Erbarn Radte der Stadt Zittaw anders theils Ein bestendiger auffrichtiger vortrag vnd vorainigung den vorsteher der Pfarrkirchen vnd
Kirchendiner daselbst belanngendt mit wolbedachtem gemutte vnd zeitigem Radt auff sechs Iar lanngk bewilligt angenhomen vnnd an alles geferde beschlossen vnd auffgericht
worden In massen wie hernach folgett
Nach dem ein Erbar Radt der Stadt Zittaw wolgedachtem Herren Cristoffen e(tc) Commendatorn den vor(n)
gehenden vortragen nach das Comptor forwergk bey der Stadt sampt dem Comptor hofe In der Stadt gelegen welchs ein Radt bisher Innegehabt vnd genossen vnd dargegen die
Pfarrkirche mit seelsorgern Predigern Caplanen Schulmeister e(tc) vnd andern kirchen dienern notturfftiglich vorstehet bestellet vnd besoldet hatt widerumb vbergeben abgetretten
vnnd eingenommen Also hatt wolgedachter Herr Commendator In betrachtung das ein Radt als Im Lande bekante leutt vor dem herrn Comptor alle dise Ortte von bekanten Herr
die Kirchendiner Prediger Capplan Schulmeister e(tc) bequemer vnd fuglicher zu bestellen vnd zuuorsorgen bewilligt Einem Radt an stadt obgemelts fforwergs Zum vorsteher der Pfarrkirche
vnd kirchendiner Alle gelt vnd Zinsse Zinsse vnd getrayd Zehmas an korn vnd Haber Zu sampt dem theill am zoll vnd andern Iarlichen einkommen Inhalts eines besigelten vberreichten
Registers zur Comptorey vnd pfarrhoff Zur Sittaw gehorige von den Zinsleutten einzumahnen zu fordern vnd zu empfahen auff sechs gantze Iar noth einander eingenommen In ge(n)
stalt vnd vbergeben Dergleichen soll die Stadt die Zinsse vnd einkommen so biss anher zu Abbruch des hausses vorschwigen trewlichen widerumb suechen muglichen mit allem fleis
erforschen vnd dieselben nicht allein auff ordentlich Register bringen sonder auch mit hilff vnd furderung des Herrn Meisters e(tc) e(tc) e(tc) einmahnen Vnnd soll also ein Erbar Radt diser
beider theil Pfarrkirche vnd alle eingeleibte leut in der stadt vnd auffm land mit Predigern Caplanen Schulmeistern Cantorn Organisten vnd glocknern erhalten vnd vorstehen Also das
der kirchen mit andechtigen Cristlichen gesengen Messen theilung der Hochwirdigen Sacrament Tauffen Ehrlichen begrebnus vnd allen andern gewondlichen Cristlichen Ceremonien vor(n)
gestanden die Pfarrleute one Clage teglich vorsehet sollen werden Welchs alles dan ein Erbar Radt mit aller andern vorstehung der kirchen auff Irn vncossten trewlich an zunemen auff sich
genohmen vnnd bewilliget hatt
Zu dem so ist von beijden teilen bestendiglichen beredt vnd bewilligt worden das solcher vortrag gantze sechs Iar lanng nach einander stehen vnnd ge(n)
halten werden soll Vnnd von einem theill dem Andern ein gantz Ihar vor außganng des vortrags die auffkundigung gethan vnd ansagt werden Im fall aber solche auffkundigung ein
Iar zuuor von keinem theill nicht gethan oder gethan wurde So soll solcher vortrag ferner fur sich stehen vnd von beijden theils an vnd wehrt also bis von einem theill die auffkundigung geschehe
gehalten werden
Vnd wan nach außganng des vortrags oder auch hernachmals die auffkundigung gethan wirt Alsdan soll ein Radt ein Iar lanng nach der auffkundigung
die obberurten Zinsse Vnd Zehen laut des vorschriben Registers mit sampt dem theill am Czolle dem herren Commendatorn wider einreumen abtretten vnd zu stellen Vnd wolgedachter
Herr Cristoff oder ein Ider Comptor so der zeyt sein wirt Soll die Pfarrkirchen mit kirchendinern vnd anderm wie von Alters die vorgehenden Comptores gethan vnnd zu thun schuldig
gewest sein vom Comptor hofe widerumb zuuorsorgen vnd zu erhalten vorpflicht sein Da aber solchs vom Herren Comptor nicht geschehe so soll solchs dem Obristen Herren
Meister geburlich beshaffung zu thun geclagt werden
Solchs wie oben nach lenngs klerlichen vormeldt Haben die Obgemelten part einander stett vnd vesst zu halten
versprochen vnd zugesagt Vnd ein Iedes theill ein gleich lautenden besigelten brieff zu sich genohmen Des zu vrkundt vnd mehrer sicherheitt Haben wir Obgemelter Meister des Beha(n)
mischen Priorats vnser anhangende Inmsigel wissentlich hierunder hengen lassen Geben Inn vnserm vnd des Ordens hauss zu Prag Montagnach Trinit(atis) X(Christi) e(tc) Im
Anno e(tc) 1 5 5 2
Zbynk berka
Ouber m ma p(ro)p(ri)a