In nomine domini amen Sub anno Nativitatis eiusdem Millesimo Quadringentesimosexage
simoquarto Indictione duodecima Pontificatus Sanctissimi in cristo patris et domini nostri do
mini Pii divina providencia pape secundi Anno Septimo die tercia mensis Septembris hora
vesperorum vel quasi in Stuba domus honeste et providi viri Johannis Czanian opidani
Bolibergensis In mei Notarii publici infrascripti testiumque subscriptorum ad hoc vocatorum
specialiter et rogatorum presenciis Constituta personaliter honesta ac virtuosa puella
Margaretha Ssedlitzynne in lecto reclinata egritudinis licet languens corpore Sana tamen
mente et bona fruens racione Considerans fallacie ac attendens quod nichil cercius
sit morte nilque incercius hora mortis volens in dubiis viam eligere cerciorem et ne
res et bona per ipsam licite acquisita in pereant sed piis pocius usibus applicentur
De talento sibi divinitus credito cupiens aliquid in Gazophilacium domini mittere cui
paupercula mulier suffragium ultime sue voluntatis fecit disposuit et condidit testa
mentum in hunc qui sequitur modum Primo namque predicta puella Margaretha Ssedlitzynne
asseruit se habere habet Tredecim marcas aput validos viros Johannem Conradum et
Wilhelmum fratres carnales heredes in Dorffdorff in districtu Hirsbergensi In quibus tredecim marcis
dictos tres fratres Johannem Conradum et Wilhelmum predicta puella Margaretha Ssedli
tzynne occasione Sallarii sui deserviti sibi asseruit debitorie obligari De quaquidem
pecunia Tredecim marcarum prefata puella Margaretha Ssedlitzynne dedit
donavit ac nomine veri et ultimi Testamenti pie assignavit Religiosis ac devotis viris
domino Commendatori et fratribus domus milicie sancti Johannis Jherosolimitani
in Boliberg decem marcas ad ipsorum pietancia Ita quod ipse dominus Commendator in Boliberg
et sui Successores unacum fratribus eiusdem domus in Boliberg ad pagendum premissam
pro anima prefacte puelle Margarethe Ssedlitzynne Testatricis videlicet vigilias ad nonas
leccionibus vesperis finitis et die sequenti missam defunctorum de requiem circa festum
gloriose virginis Marie Nativitatis eiusdem ante vel post inmediate fratribus illis temporibus
sint astricti et obligati Item prefata puella Margaretha Ssedlitzynne de prescriptis
Tredecim marcis in quibus prenominatos fratres Johannem Conradum et Wilhelmum ut prefertur
sibi asseruit obligari dedit donavit ac nomine veri et ultimi Testamenti pie assigna
vit religiosis ac devotis viris domino Commendatori et fratribus domus
Bolibergensis unam marcam ut in scribi debeat in librum mortuorum secundum consuetu
dinem ecclesie et conventus domus parochialis ipsius Item prefata puella Margaretha
Ssedlitzynne dedit donavit ac nomine prescripto pie assignavit domino paulo Cothman
Altariste in Boliberg duas marcas de sepetactis tredecim marcis volens mandans
quod ipse dominus paulus Cothman ad pagendum premissam in die mercurii vigilias et missa
defunctorum singulis annis futuris temporibus qua die inrocerit ex pacto videlicet circa
festum Nativitatis beate virginis pariter ipsius Testatricis sit astrictus et obligatus
Si autem dominus paulus Cothman ab hac luce sublatus fuerit extunc ille due marce dari
debeant religiosis viris domino fratribus Cruciferis ordinis milicie sancti Johannis
Jherosolimitani in Boliberg pro legendis duabus leccionibus pro anima sepedicte Testatricis
Insuper sepememorata puella Margaretha Ssedlitzynne asseruit sibi obligari
honestum virum ducam Ssedlitzin fratrem suum relictam Johannis Czanian opidani in Boliberg
marcas in decem solidis denariorum quas nomine predicto dedit et assignavit Reli
giosis viris domino Guardiano et fratribus Monasterii in Boliberg ad pagendum
pariformiter premissam singulis annis futuris diebus quibus pro anima ipsius Testatricis
Item prenominata puella Margaretha Ssedlitzynne asseruit sibi obligari honestos
viros Nicolaum Czanian et Wilhelmum in Slawikdorff prope Bolkenhayn manentes in duabus
Sexagenis de quibus nomine predicto dedit et assignavit unam Sexagenam religiosis
viris domino Johanni Czanian Altariste sepetacti ordinis Aliam vero Sexagenam
dedit et assignavit prefato domino paulo Cothman volens ut quilibet eorum legere
debeat unum Psalterium pro anima ipsius Margarethe Testatricis Et hanc suam
ultimam voluntatem prefata puella Margaretha Ssedlitzynne Testatrix valere
voluit nomine veri et ultimi Testamenti que ultima voluntas si nomine veri et ultimi Testamenti
valere non subsistat non possit in vim valere voluit Jure legati sive Jure Codicillorum vel
donacionis causa mortis aut cuiuslibet alterius ultime voluntatis Super quibus omnibus et singulis
premissis Religiosi ac devoti viri dominus Commendator et fratres domus Bolibergen
sibi per me Notarium publicum infrascriptum fieri pecierunt unum aut plura publicum seu publica
Instrumentum vel Instrumenta Acta sunt hec Anno Indicione pontificatu die mense hora et
loco quibus supra presentibus honestis et providis viris lancia Berger Sacristano
ecclesie parochialis in Boliberg et Johanne Czelner opidano ibidem in Boliberg testibus
ad premissa vocatis specialiter et rogatis

Et Ego Nicolaus quondam Martini Czanian de Schmiedeberg
clericus Wratislaviensis diocesis publicus Imperiali auctoritate Notarius
Quia predicte Testamenti donacioni et assignacioni aliisque
omnibus et singulis premissis dum sic ut premittitur fierent et
agerentur una cum prenominatis testibus presens fui eaque omnia
et singula sic fieri vidi et audivi Ideo exinde presens
publicum Instrumentum manu propria conscriptum exinde confeci et in hanc formam
publicam redegi Signoque quoque ac nomine meis solitis
et consuetis consignavi Rogatus in fidem et testimonium
omnium et singulorum premissorum Et constat michi
Notario prescripto de omissione illarum duarum sillabarum annis
In vigesimaquinta linea a supra numerando ita eciam quod
apposui signo et nomine meis prescriptis