Wir Ruedolff der Ander von Gottes gnaden Erwelter Römischer Kaiser
zu allenzeytten Meerer des Reichs in Germanien, zu Hungarn vnnd Behaimb rc. Künig, Ertzhertzog zu Osterreich, Hertzog zu Burgundi, Steyr,
Kärndten, Crain vnnd Würtemberg rc. in Ober vnnd Nider Schlesien, Marggraue zu Mährern, in Ober vnnd Nider Laußnitz, Graue zu Tyrol rc. Bekhennen hiemit
für Vns, Vnsere Erben vnnd Nachkhomen, Allermenigclich, die weil Vns, vnnd Vnserm Hauß Osterreich, demnach Wir dem Edlen Vnserm lieben getreuen Cammer
Rath vnnd lieben getreuen, Valerius von Mork vnnd Agonitz, Sanct Johannis Hierosolimitani Ordens Ritter, vnnd Commendatorn zu Glatz, wegen seiner bey Vns
habender Anno de Armis, Acht vnnd Neuntzig, ains, Neun vnnd Neuntzig, ains, vnnd Sechshundert, ains, zue ainer anforderung, vber das, was Jme darauß bezahlt worden,
Zway Tausent Siebenhundert gulden Rhenisch schuldig verblieben, Daß wir Jme alsdann, biß Er bezahlt, an Jedes Jars Zinß, von hundert, fünff gulden Rhenisch
geben mögen, So aber an Jetz aus contentirung, vnnd gewisheit derselben, zuegeben, vns entschlossen, Wir Jme auch die Zeit, in ansehung seiner Vns, vnnd gemainen
Christenheit, gar beschwerlichen, mühseligen, vnnd gefahrlichen, Kriegßdiensten, in Hungarn, geleisten getreuen, nützlichen, vnnd gueten diensten, gnedigclich
zu thun, vnnd zuuerstatten, Valerius von Mork, Dißfals, diese gnedigste bewilligung gethan, Daß Er, vnnd seine Erben, solch Capital, vnnd Zinß, in Crafft
in Crafft dises Brieffs, als ains Jngrossats, das wir Jme Morken, seiner Erben, oder anndern, die dis Brieffs Jnhaber, welchen Er solchs cediren, oder vbergeben möchte,
Ein Jedes Jars, auf Sanct Jörgen tag, zue Zinß, fünff gulden Rhenisch, an gemelte Zway Tausent Siebenhundert gulden Rhenisch, zue bezalen, oder biß zue
Abnemung gemelts, als ein nützlich liquidirt Schuld, auf Vnsere Cammer geföllen, oder der Jnnigern, auf solch, die Er oder die Seinigen, nambhafft machen, vnnd auf Vnsere
Jme die bezahlung, künfftigclich, vnnd Erben, gewis, vnnd vnfehlbar, zue thun, als müglich, raichen, vnnd raichen lassen, vnnd ohn gefehrde, Mit
vrkhundt dises Brieffs, Der geben ist an Vnserm Künigclichen Schloß Prag, den Sechßten Aprilis Anno Jm Tausent Sechshundert vnnd Sechßten, Vnsers Reichs des
Römischen, im ain vnnd dreissigsten, des Hungarischen im vier vnnd dreissigsten, vnnd des Behaimbischen auch im ain vnnd dreissigsten rc.
Rudolff
Ad mandatum Sac(rae) Cae(sareae)
Imperatoris proprium
Jacob de molart
Jo(hannes) B(aptista) Weber