Lorencz Tulman gesatczricht zum Goltberge von der Stat wegin vnd wir
scheppen doselbst Barthillang Nickel hans Jost hans Katman Kunczkeil
Mertin sander francz otto vnd Nickel Stenczputz Bekennen das vor vns
Jngehegtem dinge gestanden hat Margretha weisshermans durch iren
gekornen vmnden pet(er) schonwelder vnd trat abe ire brotbanck zu nehst
Bennebırken vnd Jacob Juncfraw bencken gelegin dem Jrsamen Creucz
her(r)n vnd bruder(n) vnsers phar(r)ehofes zu irer pietancia vor den Czins
den sy vmals uf irem huse zu nehst keylinckel gehabt hat Jn sulcher
masse das dy benan(n)t fraw der banck vmb den czins gnissen wil vorand(er)n
dy weyle sy dy banck wil halden das sal ir von den obgnan(n)t(en) her(r)n gegunt
werden das ir auch vor vns von den her(r)n wart zugesagt domitte sy iren
hoff freyte vnd dy Creuczher(r)n mogen dy banck so ir dy fraw nicht ge
brawchin wil vor den czins vormitten adir vorkewffen nach irem besten
erkentnisz Mit orkunde disz briues Geben am dornstage vor dem Sontage
Judica Anno domi(ni) M cccc lxv(o)