Ich Fridreich der Hunder. Vergich und tůn chunt allen den die disen brief lesent oder horent lesen. die nu lebent und hernach chünftich
sind. Daz ich mit meiner erben gůten willen und gunst mit bedachtem müt ze der zeit do ich ir wol gewalt macht und mit meins
purchherren hern der erben heren hern Eberharts ze den zeiten pharrer ze Liechtenwart. Verchauft han funf schilling wiener
phenning und ein viertail unsides geltes die da ligent ze Poysdorf auf einem halben lehen und auf der halben hofstat und auf alle
der und dar ze gehoret. da man alle iar von dient auf unser vrowen alter ze Liechtenwart einen viadung wachses ze purchrecht
und nicht mer. die vorgenanten gulte han ich kecht und redleich verchauft und geben mit alle dem nutz und recht alz ich si in purch
rechtes gewer her pracht han umb funf phunt wiener phenning der ich gar und gentzleich gewert pin. dem erben piter hern
wachsarter den Hainrich und seiner hausvrowen vrow wendelmut und irn erben fürbaz ledichleichen und vreileichen ze haben und allen irn
frumen da mit ze schaffen verchaufen versetzen und geben swem si wellen an aller irrsal. und pin auch ich und mein erben da vor
genanten gulte in rechter gewer und schirm für alle ansprach alz purchrechtes recht ist und daz landes recht ze osterrich
Wer aber daz si mit recht an der selben gulte icht chrieges oder ansprach genunnen swaz si dez schaden nement den soln wir in allen
anz richten und wider cheren an alle ir müt und an allen irn schaden. und soln auch si daz haben auf uns und auf allem unserm gut daz
wir haben in dem lande ze osterrich. ich sei lebentich oder tot. und gib in dar uber disen brief ze einen urchunde versigilt mit
meinem Insigil. und mit meins purchherren Insigil des vorgenanten hern Eberharts von Liechtenwart der diser sach gezeug ist
mit seinem Insigil. Diser brief ist geben ze wienne nach christes gepurt dreutzehen hundert iar. dar nach in dem zway
und viertzigisten iar. des nehsten erichtages nach unser vrowen tage der Helfidunge.