Wir swester christein die Wiezinn zuden czeiten abbtessinne vnd der conuent gemainne der gaistlichen frawen
chloster dacz sand niclas ze wienne Wir vergehen offenleich mit dem brief daz wir von des gepots wegen
des der hochgeborn furst weilent herczog Rudolff von osterreich selig in der stat ze wienne vmb grunt
reichtes ablesung auf gesaczt vnd gepoten hat Recht vnd redleich abgelosen gegeben haben dem erbern steffan
sluter an stephans dem schelchen vnd seinen erben siben vnd zwainczig wienner pfenning geltes gruntrechtes
die wir gehabt haben auf eim haws gelegen bei den Augustinern ze wienne gegen den marschalich vber
ze nachst des von stendin haws vmb siben schilling vnd vmb aecht pfenning wienner munss da vns
das egemaint schelch gancz vnd gar gewert also daz er vnd sein erben vnd alle die die daz vorgenant
er haws nach im innhaben vnd besiczen sulln furbaz des egemaint siben vnd zwainczig pfenning gelts
aller ding darab ledig vnd vrey sein vnd die dauon nicht mer gedienen vnd sulln auch wir noch vnser
nachkomen noch ander nyemant von vnsern wegen auf daz vorgenant haws vmb daz egemaint grunt
recht furbaz nimm(er) mer chain ansprach noch vordrung haben noch gewunnen Wer daz furbaz aber
iche brief oder vrkhund fur pracht wurden von wem daz waer die auf daz vorgenant haws vmb daz
egemaint gruntrecht sagten dieselben prief vnd vrkhunt sulln dem sluter vnd ei dasselb gruntrecht
chunnent allerding tode vnd ze nichten sein vnd chain chraft haben Vnd des ze vrkhund geben wir
im den brief versigilten mit vnsern baiden anhangen In sigiln der geben ist ze wienne nach
christi gepurt dreuczehenhundert Iar darnach in dem ains vnd sybenczigistem Iare an sand elspen
tag