Sigismundus Dei gratia REx Poloniæ Magnus Dux
Litwaniæ, Russiæ, prussiæ, Masouiæ etc(etera) dominus et heres.
Spectabili et Strenuo Joanni de Vuartemberg, in Strakonice, supremo priori, ordinis sancti Joannis
Militum Rhodianorum in Regno Bohemiæ, sincere et grate nobis dilecto. Spectabilis et Strenue sincere
et grate nobis dilecte, Habentes racionem preclare fidei, et militarium gestorum, Generosi Jacobi
Brzosouijecz, veterani militis, et Aulici nostri, quibus nobis singulariter se se reddidit commendatum,
volenq(ue) ipsum ad nostra, et christiane, ac Regni nostri, Reipublicæ seruicia, facere alacriorem. ipsum ad
officium commendatorie domus sancti Joannis, extra ciuitatem nostram posnaniensem, ordinis hie=
rosolimitani, sub regula sancti Joannis, milicie Rhodiensium institute, et erecte, presentandum duximus.
et presentamus tue s(pectabilitati) eidemq(ue) Jacobo illam quantum in nobis est, conferimus. hortan(tes) tuam s(pectabilitatem), ut eunde(m)
Generosum Jacobum Brzosouijecz, militem et Aulicum nostrum, in eius propria, aut in procuratoris per=
sona, ad dictam commendatoriam posnaniensem, secundum quod religio ipsa militaris postulat, instituat
et inuestiat, ipsumq(ue) in ea confirmet, factura s(pectabilitas) tua pro debito officioq(ue) suo, et singulari complacencia n(ost)ra.
Dat(um) cracouiæ feria quinta ante Dominicam Ramispalmarum, Anno domini Millesimo quingentesimo
Trigesimo septimo. Regni vero nostri anno Trigesimo primo.
Joannes Ep(iscop)us plocen(sis) et
Regni polo(ni)e cancellar(ius) ss
Ad m(anda)to(m)
Reueren(dissimi) in christo patris domi(ni) Joannis
choienski ep(iscop)i plocen(sis) et R(egni) P(olonie) cancellarij.