Frater Andreas Di Giovanni y Centelles
Sacrae Domus Hospitalis S(anct)i Joannis Hierosolymitani et Militaris Ordinis S(anct)i Sepulcri Dominici humilis Magister Locum-Tenens, et nos Conventus Domus ejusdem. Religioso in Ch(rist)o nobis
Carissimo Commendatario fr(atr)i Joanni Bapt(istae) Baroni de Haugwitz Nostrae Venerandae Linguae Alemaniae et Prioratus Bohemiae Militi salutem in Domino sempiternam. Praeclara virtutum tuarum merita
multiplicasque animi tui dotes, et laudabilia obsequia per te multis abhinc annis summa cum fidei probitate, singularique prudentia Ordini nostro praestita, et quae in futurum te praestiturum confidimus, prome-
rentur, ut te ad excelsos gradus, et majora commoda, amplioraque tegimina Ordinis nostri promoveamus, Bajulivatum seu Commendam nostram Capitularem S(anct)i Josephi a Doschutz per promotionem Ven(eran)di
Bajulivi fr(atr)is Vincentii Mariae Josephi Liebensteinsky Comiti de Kollowrath ad Prioratum nostrum di Bohemiae ultimi legitimi dicti Bajulivatus seu Commendae nostrae Capitulares S(anct)i Josephi a Doschutz
Prioris, sive Bajulivi, et possessoris sive hoc, sive alio quovis modo, aut ex alterius cujuscumque persona vacantem praesentialiter, et ad nostram collationem, electionem, donationem, et omnimodam dispositionem
spectantem, et devolutum, cum omnibus, et singulis praerogativis, antelationibus praeeminentijs, honoribus, et oneribus, membrisque, et praediis, ac alijs suis juribus, et pertinentiis ad eundem Bajulivatum spectanti-
bus, et pertinentibus, seu spectare et pertinere debentibus quoquomodo, et cum quibus illum dictus Ven(eran)d(u)s Bajulivus fr(ater) Vincentius M(aria) Josephus Liebensteinsky Comiti de Kollowrath habuit, tenuit, et possedit
sive habere, tenere, et possidere quomodolibet debuit, habendum, tenendum, possidendum, regendum, augmentandum, et meliorandum in spiritualibus et temporalibus, tam in capite quam in membris. Sub annua solutione
jurium, et quorumcumque onerum Communis Aerarii Ordinis nostri impositorum, et imponendorum, secundum communem cursum aliarum Bajulivarum, seu Commendarum Prioratus nostri Bohemiae in Capitulo Provinciali
Prioratus ejusdem, vel in festo S(anct)i Joannis Bapt(istae) de mense Junii per te annis singulis infallibiliter exsolvendorum. Salvo etiam, et reservato jure mortuarii et vacantis. Alias in defectu solutionis hujusmodi, secundum
seriem, et tenorem Stabilimentorum, ordinationum, consuetudinum, et constitutionum Capitulorum Generalium super solutione jurium Aerarii ejusdem editarum, et promulgatarum de dicto Bajulivatu, seu Commenda Nostra
Capitulari expresse praecipimus provideri collatione huius de dicto Bajulivatu, seu Commenda nostra Capitulari tibi facta in aliquo non obstante. Inviem maturo et deliberato consilio, de nostra certa scientia, et speciali
gratia ad annos decem continuos, et completos, et ultra ad nostrum beneplacitum, tibi tamquam praeeminenti, digno, capaci, et optime merito conferimus concedimus et donamus benefaciendo in eodem. Dantes tibi in nostro
Ven(eran)do Concilio, et Capitulo Generali, cunctisque N(ost)ri Ordinis sessionibus locum dicto Bajulivatui congruentem. Committentes tibi circa curam, regimen, et administrationem, ac omnimodam dicti Bajulivatus, bonorumque
et jurium ejus defensionem, et recuperationem tam in agendo quam defendendo totaliter vices Nostras. Quocirca universis, et singulis fratribus sororibus, et Donatis in virtute sanctae obedientiae, ac hominibus vassallis et
quibusvis aliis nobis subditis in dicto Bajulivatu constitutis, praesentibus et futuris, sub sacramento fidelitatis, et homagii, quo nobis et Religioni nostrae sunt adstricti, praecipimus et mandamus, ut tibi tamquam eorum Superiori,
et Bajulivo reverenter pareant, obediant, et intendant, tibique praebeant auxilium, consilium, et favorem in omnibus concernentibus utilitatem dicti Bajulivatus, quotiescumque opus fuerit, et eos duxeris requirendos: nec
non universis et singulis dictae Domus nostrae fratribus, quacumque auctoritate, dignitate, officioque fungentibus, praesentibus et futuris mandamus, ne contra praesentes nostras Litteras aliquatenus facere, vel
venire praesumant, quinimo juxta earum mentem studeant inviolabiliter observare. Atque cuicumque fratri Ordinis nostri super hoc primitus requisito mandamus, ut te vel procuratorem tuum in pacificam, et quie-
tam dicti Bajulivatus possessionem inducat, et inductum conservet. Amoto ab eodem quolibet illicito Detentore (si quis fuerit) quem nos, tenore praesentium amovemus, et decernimus firmiter amovendum. Inhibentes
tibi in virtute sanctae obedientiae, ac sub poena stabilimentorum contrafacienti inflicta ne praetextu Donationis nostrae huius aliquid vel aliqua de rebus bonis juribus praediis, locis et quibuslibet jurisdictionibus dicti Bajulivatus,
vel membrorum ejusdem vendas, des impignores, permutes distrahas, sive in emphyteusim perpetuam, aut ad tempus concedas, sine speciali nostra licentia Religionis, atque Capituli Generalis pro tempore existentium. Et si
(quod absit) contra inhibitionem nostram huius aliquid, vel aliqua operari, seu facere te contingat, illud, et illa ex nunc pro tunc cassamus, annullamus, et decernimus irritum, et inane, nulliusque penitus existere valoris vel efficaciae.
Reg(istra)t(a) in Cancell(aria)
Comm(endator) Frater Amabilis Vella Vicecancell(ariu)s Jur(atu)s