Nos frater Hasso de Zwierzienicz prior generalis domorum per Boemiam Morauiam Poloniam
Austriam et cetera constitutarum ordinis hospitalis sancti Iohannis Ierosolimitani notum facimus tenore presencium vniuersis
Quia religiosus vir dominus Nicolaus dictus Sturm frater noster in Christo dilectus diuino motus instinctu
viaticum in breui preceptori ordinis nostri ob remedium anime sue salutare ad perpetuam pietanciam fratribus
conuentualibus domus nostre in Lemberg de certa sciencia consensu et fauore nostro rite et legitime
emit ac pro pecuniis comparauit Quare volumus et in virtute sancte obediencie mandamus omnibus
et singulis comendatoribus et fratribus prefate domus nostre presentibus et futuris quatenus dictam
donacionem et collacionem non impediant neque dictum viaticum a domo prefata vendant vel alienent
quouismodo Sed verum vsum viatici fratribus indigentibus ac aliis sacerdotibus pauperibus prouisor
seu pietanciarius domus prefate cuius custodie et pietati subiacere debet per cameram horis
debendis tribuat et concedat quando et quociens necessarium fuerit et oportunum In cuius rei
robur et testimonium Sigillum nostrum ad preces dicti fratris Nicolai et tocius conuentus domus nostre
fratrum in Lemberg de certa nostra sciencia presentibus est appensum Datum et actum in Lemberg
Anno domini Millesimo Trecentesimo Nonagesimo nono feria Tercia post dominicam
qua cantatur in ecclesia dei Oculi