Ich bruder Niclas glöeppil Stathelder czu Jolan comptur vnd pfarrer czu lemberg vnd wir
hernoch geschrebin bruder bruder petir kerchenbach prediger bruder Johannes ruffus von Bresslaw
bruder erasmus korth bruder maternus von Goltberg vnd bruder Niclas von Gorlicz des selben haw
ses czu lemberg conuent bruder vnd meloenser des ordins sente Johannis von Jherusalem bekennen
offentlichin mit disem kegenwortigin brife allen den die yn seen horen adir lezen das vns der Jrbar
vnd tochtige heynricz kenker vorkawft hat recht vnd redelich seyne halbe wese gelegin czu siben
eichin vnd genant die Tumbwese vmb dreissig mark grosschen bemisscher muncze polnischer
czal vnd hat vns die deste bar behndegebin das wir seinen eldirn alle iar dinst tun sullen
an dem Sontage als man singet yn der heiligen kirche misericordia domini noch ostirn dor vor
adir dornoch begilten mit memoriis des obindes vnd dornoch des andirn tages das dinst der hey
ligen messe obir sinte Johannis altar do bey seyn vatir vnd seyne mutir byrabin legin vnd czu
troste aller seiner sunde selin nu vnd ewiglichin an alles vorsumnisse vnd wedir rede Jb
das nicht geschehe vnd gehalden wordin des got nicht enwelle von vns vnd allen vnsin noch
komeden compturn vnd conuent brudern so vorbinden wir vns dem egenantin heynricz kenker
seinen erbin vnd nochkumlingen eynen firdung czu gebin an alle wedir rede den so von mir
brudir Niclas comptur vnd von allen nochkomeden compturn firdirn sullen den selbin
firdung ouch sie gebin sullen obir die brücke den arme sychen czu dem heiligin geyste vnd das
das selbe selegente von mir brudir Niclas glöeppil comptur vnd allen obingeschribene
bruder vnd von allen vnsin nochkomedin compturn vnd brudern ewiglichin gehalden werde
des hab ich meyn Jngesigil mit gutir wessin der selben bruder an disen brif gehangen der do gegebin
yst noch gotis geburt firczenhundirt Jar vnd yn deme dreyczendem Jare an sente Thomas tag des
heiligen czwelffbotin do bey sint gewest die Jrbarn vnd koczemeyster Johannes carnificis statschriber
czu lemberg vnd meystir Maclaus grasi schulinestir do selbist vnd libehartus vnd Johannes
krebsis von budin vnd vil andir Jrbar lewte