Ich Nicolaus Ezo In der czeit Erbrichter In der Stat namen czu lewbenb(er)g Vnd Wir
Schepfin Johannes tulis Johannes kolbe Johannes prutman Nicolaus Beyer hanns
landman hanns Struter Vnd hanns Sneyder Bekennen In desim brife daz hanns
Windisch dem got gnade den Andachteg(i)n h(er)n den Cruczeg(er)n send Johannes or
den von Jherusalem des hawses bey vns wonende eyne halbe mark irdine erbeczinse noch
sines brife lawte In die pyetancie czu eynem ewegin selgerethe gegebin vnd bescheydin
hot achczen grosshin off Georgin spacz des gerb(er)s garte vnd sechs grosshin off Nic
klos Salmons des Tuch(er)s garte die halbe mark d(er) ob(ir)te George Spacz Nicklos Sal
mon adir ere beydre erbin vnd alle die die gartin noch In habin vnd besiczen werdin eyn Ider
wer In der briff besagt alle Iar Ierlich dem pyetanczicnmeist(er) In die pyetancie czu gebin
off send Mertins tag Vb daz nicht gesche also daz George spacz Nicklos Salmon adir ere
erbin vnd alle die die gartin noch In Inne haben vnd besiczen werdin die czinse off den bena
tin czinsttag nicht gebin So sal der Erbrichter dem pyetancicnmeist(er)e noch dem ta
ge pfandis helfin czu eren gartin vnd An aller farenden habe vor eren czins also erbeczins
recht ist Vnd des czu eyner sichirheit habe wir vnsir Sigil vndin an desin briff gehangin
der gegebin ist Am nestin dinstage vor vnsir liben frawen tage Natiuitatis Noch cristi
geburte Virczenhundert Iar dor noch In dem achtundczwenczeg(i)stin Iare