Ich Andres harwarth Statshreir yn nahmen der stadt Lembergk
franz mohrhinger Caspar byher andres pamer Caspar pamer Gre
ger wignolt merten pamer vnd Greger nyman geswornn
scheppen Bekenn das vor vnß yn geheigetem dinge lorenz weigher
vnd Cristoff syber bekanten yns märg gelds jerlichs zyns vff yr
hauß genantt merten zeydelers hoff vff der bremlyssin gassn gelegin
vnd vff alle ander yre guter yn stadtische besunder der bruderschaft
der pfarntz allhye zcu lembergk eynen vffs quatale Crucis
eynen firdungt vnd also alliquartalia allierjerlich eynn firdungt
bey der pfandunge zugeben schuldigk sy wen aber lorenz weigher
vnd Cristoff syber yre erben vnd nachkom(m)en den zyns myt zehen gutten
vngarischen gulden ader yhr stots firdungt syben pfenninge vor eynn
grosschen vor eynn gulden gerechent zculosin vormogen entledigk
welchs geschehn sal mehn yn vngehyndert vorgen(an)t zcu vrkunt
myt vnssern scheppn Jngesigel besigelt Sontag des tages trinitatis
im C vnd xxx Jare