Ich Caspar beker Stadtrichter ym name(n) der stadt Lewenberg, Caspar
pomerer, Adam hoppe, Bartel feige, Lorenc, hartrampff, George fin
ben, Peter beger vnd valten Zeÿdler geschworne scheppen diß iaris
bekenne(n) hiemitt, das vor vnß ÿnn gehegtem dinge, francze neu
bÿrg bekant auff sein hauß Zcwergst Greger reymans am
rynge gelegen ein halbe mark geldis erblichs Zinses, dieselben
alle iar ierlichen Zcugebenn Zcu der pictancz auff dem Creutz
ig an Zcheben, beÿ der pfandung, Es aber benanter francz
Neubÿrg, sein erben, vnd nachkommen den Zinß mit Zehn
marcken, den gl an der mark Zcu sloben pfennigen Zcuersten
losenn wollenn, sampt entrichtung vorstehens Zinse, das sol
man ÿnen vngehyndert vorstatten, Zcu vrkund mit vnserem
scheppen Jngesiegel besiegelt, dornstagis nach octauas trium
regu(m), Jm xlvii vnnd siebenczigisten iaren