Ich Ditius titze erbrichter jn der Stat namen zcur Lewenbergh, vnd wir noch
geschribene Cristoff frittschener, Cassar becker, Andres somer, Cristoff helbig
michel lange, Cassar pomer vnd matz feige, geswhorne scheppen dyss ja
res, bekennen mit dissem briffe, das vor vns jn gehegetem dinge
der ersame magister Nicolaus edeler eyne margk geldes jerlichs zcin
ses, vff ssin haws vnd hoeff zcunneest Cristoff frittscheners hawse
gelegen, den wirdygen herrn jtzigen vnd kunfftigen vnssern krewtz
herrn, zcur vrer predamia bekante, denselben zcins gelobete er yne
eine halbe margk vff weynachten nehstkunfftig, vnd eine halbe
margk vff walpurgis dornoch, vnd alsso furbas meher alle jor
jerlich vff benante zcinstage, bey der pfandung, die ynen vnge
wegert sall vnd wirt vorhulffen werden, zcugelden vnd vnvor
czuglich zcubezalen, Vnd wenn mg(iste)r Nicolaus edeler, sseine er
ben vnd nehisten den zcins widermmb abekawffen vnd lossen
wollen, das sollen vnd mogen sie thun mit sseben gutten hun
garisschen gulden vnschedelichs vorstessen zcinsen, das sollen
yn die creutzherrn wolgonnende gutlich gestatten, Geschehen
vnd geben donerstags noch aller heyligentage noch Christi
vnssers lieben herrn geburt Tawsent funffhundert
vnd jm zcwenzigystem jare /