Ich Cristoff fritschkener erbrichter in der stat nawen zcu Vrewenberck vnd wir nochge
schrebene Caspar becker Vitzencz schultze Andres steyner czechel kancze Caspar peyner
czato feyge vnd francz fritschkener gesworene scheppen disz Jares bekennen mit
disem brife das vor vns In gehegetem dinge Cristoff seboth eyn halben gulden
Jerlichs Zcynsz vff sime schubawck zcunechst Nicolasz dunczenickels bawt
gelegen den wirdigen herrn den crewtzherrn zcu prer prediawia bekante
denselbigen Zcynsz gelobete er ynen vff ostern nehstkunfftig entzubebern
ein halben gulden miteynander vnd alsz furbas meher alle Jor Jerlich
vff benanten Zcynstag bey der pfandung die ynen angeweyczet sall
vnd wirt vorhulffen werden Zcugulden vnd vnvorczuglich Zcubezcalen
Auch wenn Cristoff seboth sine erben vnd nochsten den Zcynsz wider abekewf
fen vnd losen wollen das sullen vnd mogen sie thun mit Zcehen gutte
hungarischen gulden ader ye siben firdung vor ein gulden sechsz pfen
nige vor ein grosschen gerechent das sall ynen gutlich gestattet vnd
Zcugelassen werden doch vnschedlich herschafften Zcynsen Geschegen vnd
geben freitags noch visitacionis marie anno domini funffzce
hundert vnd Im dreyvndczwanczigstem Jare