INNOCENCIVS. Episcopus seruus seruorum Dei. Venerabilibus fratribus Archiepiscopis episcopis & dilectis filijs
Abbatibus Prioribus Decanis Archidiaconis Presbiteris & alijs ecclesiarum prelatis ad quos littere iste peruenerint
Salutem & apostolicam Benedictionem. Cum dilecti filij fratres hospitalis Hierosolomitani nullum habeant Episcopum
vel prelatum. preter Romanum pontificem. & speciali prerogatiua gaudeant libertatis non decet vos in eos vel clericos
aut ecclesias eorum in quibus potestatem ecclesiasticam non habetis absq(ue) mandato nostro. excommunicacionis vel interdicti
sentenciam promulgare. Sed si quando vos vel subditos vestros idem fratres iniuste grauauerint per vos aut nuncios
vestros id Romano pontifici significare debetis. ac per ipsum de memoratis fratribus iusticiam obtinere. Inde est q(uo)d
vniuersitati vestre per apostolica scripta precipiendo mandamus. Quatenus in predictos fratres siue clericos aut eccle=
sias eorum in quibus auctoritatem nequaquam habetis excommunicacionis vel interdicti sentenciam prouulgare nullatenus
presummatis nec eos alia indebita vexacione grauetis. sed erga eos vos taliter habeatis. q(uo)d non habeant aduersus vos ma=
teriam querelandi. Scituri quod si mandatum nostrum neglexeritis in hac parte dimittere non poterimus. quin eisdem
fratribus in sua iusticia. si apud nos querelam iterum deposuerint efficaciter prouidere curemus. Datis Lugduni
Idibus Decembris. Pontificatus nostri Anno Secundo.
VNIVERSIS ET SINGVLIS. Cuiuscumq(ue) eminencie Status aut dignitatis fuerint Presens hoc publicum vi=
dimus aut transumptum visuris aut legi audituris. Nos Consules oppidi Lewmbergk presentibus significamus. Quod
nobis loco solito pro consulatu sedentibus nomine Venerabilis & religiosi viri Domini Wolfgangi Semur fratris ordinis milicie
Sancti Iohannis Hierosolomitani eiusdemq(ue) domus Leumbergenn Commendatoris. Ecclesieq(ue) nostre parrochialis rectoris
& plebani Patentes littere Apostolice in pergameno conscripte Sanctissimi in Christo patris et Domini Domini
Innocencij diuina prouidentia pape Quarti. Sigillo plumbeo subappenso communite fuerunt presentate Emixe nobis
supplicando Quatinus earundem sub nostre ciuitatis sigillo Vidimus seu transcriptum ei fieri committeremus. Quas
quidem litteras Apostolicas in omnibus suis clausis punctis & Sigillo saluas & integras non rasas neq(ue) cancellatas om=
niq(ue) prorsus vicio & suspicione carentes conspeximus Nos itaq(ue) huiusmodi eius precibus inclinati presens Vidimus seu
transumptum sicuti superius expressum ei fieri tradi nostroq(ue) ciuitatis Sigillo subappenso fecimus communiri. Datis
Iouis die sedecima mensis Octobris. Anno Domini Millesimo Quingentesimo Decimosexto:~
~Auscultatum recognitum et collacionatum est presens vidimus siue transumptum per me Iacobum Iohannis hortulam Parvis~
~ap(osto)lica et imperiali auctoritatibus Notarium publicum q(uo)d manu mea propria protestor:~