Wir ferdinand von gotes gnaden Römischer künig zu allen zeyten merer des Reichs In Germanien zu Hungern Behaim Dalmatien Croatien etc. künig Infant in Hispanien
Ertzhertzog zu Osterreich Marggraue zu Merhern Hertzoge zu Lutzenburg vnd zu Slesien Marggraue zu lausitz etc. Bekhennen offentlich mit disem brieff vnd thuen khundt menniglich
Das vns der Wolgeborn vnserer Cämmerer vnd lieber getreuer Jhymerck Berka von der daub auff Strakonitz Obrister maister des priorats In Behaim desgleichen die Ersamen vnsere
lieben getreuen N. Burgermeister vnd Rhatmannen vnserer Stadt Lembergk aines vertrags so er vnd seine ordens Brüder sambt dem gantzen Conuent des hauß zu Strakonitz mit ge=
dachter Stadt abgfertigten gesanten wegen der Conuentgemein daselbst wie es hinfüran gehalten sol werden fürgebracht Welcher von wort zu wort also lautet Wir Jhymerck Berka
herr von der Daube vnd auff Strakonitz obrister maister des Behmischen priorats vnd wir versamblete ordens brüder auff dise zeit vnd das gantz Conuent des hauß zu Strakonitz haben zu
bewegung itziger zeit läuffte der stadt Lemberg manigfaltige Clagung das ire kirchen mit nottürfftigen dienern am lange zeit verwüst vnd gelassen gestanden das ordens hauß alda
zum maisten teil durch brünst vnd vngewitter vast zürütet vnd eingegangen vnd wir zubesorgen In kurtzer frist gar einfallen möcht das volgk In der stadt deßgleichen in Dörffern darzu
gepffart an Trost mit Gottes wort vnd raichung der heiligen Hochwirdigen Sacrament verlassen in die Irung als Jrrige schaff möcht vmbgehen dörfften wir auch aus mangel vnd abgang
der ordens Brüder vnd Priestern außm Conuent dise zeit dz zuuorsehen nicht vermöcht vnd also dem Orden mit beschwerten gewissen des hauß vnd desselbigen zustands zu vnuer=
meidlichen schaden außgeen In betrachtung diser vnd zuuorkhumen des Ordens hauß künfftigem vndergang Haben wir Jhymerck Berka herr von der Daube etc. des Obrister maister etc.
vnd wir versamblete Ordens Brüder vnd das gantz Conuent wir oben vermelt mit guettem vorgeenden Rhat vnd wichtigem bedacht der sachen zum bestenn mit den volmechtigen der Stadt Lem=
bergk gesanten Nemlichen Frantzen Aheobten Thomas Beüslern vnd Balthus Rittig folgenden vertrag biredt vnd beslossen Das erst das hauß mit sampt allen seinen zugehörungen vnnd
einkhomen wie die nungen genant werden gar nichts außgenomen der stadt Lembergk sollen gerueblich vnd vor menniglich vngehindert Entreyment vnd eingegeben werden Syben Jar aneinan=
der von ajarhn des vorgangen vierundviertzigisten Jars anzufahen Dagegen sol vnd wil die stadt die kirchen vnd die darein gehörenden Dorffschafften mit Christlichen kirchen dienern wie
vor alters versorgen Zum andern solle die stat den Eimber hoff widerumb nach der notturfft Erpauen wie der zuege vor der prunst gestanden ist Zum dritten solle die stadt alle
die schulden zalen vnd ablegen die das hauß zu Lembergk zuthuen vnd zubezalen vergleicht schuldig ist vnd sonderlichen dem herrn Ambrosio Caplan Eynem verdingten lon vnd Andre=
en Steürer von libentall haubtsuma vnd zins auch das Jenige so den handtwergern diens potten das hauß an schulden zuthuen vnd schuldig ist Zum vierden Jerlichen auff
Johannis Baptiste dem herrn azaister zu Strakonitz zehen litze Roßgroschen als Acht Hungrisch gulden geben vnd raichen Solches solle obangezaigt Syben Jar stät veste vnd vnuerrucklich vonn
baiden teilen gehalten werden Nach außgang aber der Jar solle die stadt on alle widerredt schuldig vnd pflichtig sein das hauß mit allem seinem zugehörungen dem herrn azaister vnd orden zu ire
handen allenthalben dermassen zuentreyuen vnd abzutretten mit der weis wie es die stat vorhant on alle schulden vnd beschwerung beder des geüsel vnd desselben zugehörenden Einkhomen
gantz freulich vnd vngeferlich Des zu vrkhundt vnd merern sicherheit Haben wir obgnant azaister etc. vnsern vnd des Conuents Insigel wissentlich auffgedrückt vnd mit vnseren aigen handen sich
vnder schrieben Datum auff Strakonitz am Sambstag nach Sanct Gregory Jm fünffzehenhundert vnd fünffvndviertzigisten Jars etc. Vns darauff Obrister azaister Ordens Brüder etc.
Conuent vnd Stadt Lembergk in aller vnderthenigkeit angelangt vnd gebetten solchen vertrag gnedigist zu Confirmiren Ratificiren vnd zubestetigen Haben wir angesehen demütig vleis=
sig bet auch betracht angeneme vnderthenige willige dienst so sy vns zu allen teilen offentlich lieg gethan hinfüran wolthun khünden sollen vnd mügen Vnd vornemlich das solches dem marken
dem armen gemainen man zu trost nutz vnd guettem geraicht vnd khumen thuet Vnd darumben mit wolbedachtem muet zeitigem vorhabenden vnserer Räte vnd lieben getreuen Rät zu solch=
en auffgerigten vnd hirinnverleibten vertrag bewilligt consentiert denselben gnedigist Confirmiert Ratificiert vnd bestettiget thuen auch solchs hiemit aus Behmischer küniglicher macht
als Obrister Hertzog Jnn Slesien wissentlich Jnn krafft diß brieffs Mainen setzen vnd wollen das mehrgemelter vertrag bestendig vnd volkhumen bleiben die teil seines Jden betretten thuett
vnd Jme darJnnen aufferlegt nützen geniessen vnd volziehen söllen vnd mügen menniglichs vnuerhindert Jm fall aber do die von Lembergk solchem vertrag In diesem nit gelebten vnd andere vn=
fergliche Priester vnd kirchendiener so der alten löblichen Religion nit anhengig oder dem alten Christlichen gotsdienst des wir vns im berürten mit wot answarteten vnd administrierten Das als=
dann die von Lembergk schuldig vnd pflichtig sein die Conuentgemein daselbst sambt der behausung Jnnmassen sy die widerumben erpaut gebessert vnd Jnnengaben sambt denen dartzue gehörigen
vnderthanen vnd güetern Jder zeit wann die vberschreitung vnd verprechung geschee vor außgang der Syben Jare von stund onn aufftzug vnd waigerung vnd weitern begeeff dem azaister zu Strakonitz
vnd seinen orden widerumben gäntzlichen abzutretten vnd einzuräumen Gepieten darauff allen vnd Jden vnsern vnderthanen was eern oder nidern wirden stands ambts oder wesen
die Jm künigreich Behaim vnd fürstenthumb Slesien sein sonderlich vnseren itzigen vnd künfftigen obersten vnd andern haubtman In ober vnd Niderslesien Auch fürstenthumen Erhertzogthumb vnd
Jnen den azaister orden vnd Conuent zu Strakonitz auch die von Lembergk Bey solchem auffgerigten vertrag vnd der hir vnden bestetigung beueblich beleiben zulassen schutzen vnd handthaben dar=
wider nit thuen noch des Jemanden zuthun gestatten Als lieb Einem Jden sey vnsere schwere straff vnd vngnad zuuermeiden daran thuen wir ernstlich Der zu vrkhundt besigelt mit vnserm
küniglichen anhangenden Jnsigell Geben In vnser vnd des Reichs stadt Wormbs den letsten tag des monats Aprilis Anno Jm fünffzehenhundert vnd fünffvndviertzigisten vnserer
Reiche des Römischen Jm fünffzehenden vnd der andern aller Jm Neuntzehenden Jaren
Ferdinandus
Wir Balthasar von gotes gnaden Bischoff zu Breslaw etc. Obrister haubtman In ober vnd Niderslesien Bekennen vnd thuen khundt hiemit vor Jdermennglich Das wir einen offe=
nen küniglichen brieff von dem allerdurchleuchtigisten Grosmechtigisten fürsten vnd herrn herrn ferdinand Römischem künige zu allen zeiten mererer des Reichs In Germanien zu Hung=
ern Behaim etc. künige Jnfandt In Hispanien Ertzhertzoge zu Osterreich Hertzoge zu Burgündy vnd zu Slesien etc. meynem allergenedigisten herrn außgegangen auff pergamen geschrieben mit seiner kün=
igl(ichen) M(ajestät) etc. grösseren anhangendem Jnsigel besigelt Auch mit seiner aij(estät) etc. aigenen hand vndershrieben an pergamen shrifft vnd besigelungh allenthalben vnwandetbar vnd vnargwönigt
In vnsern henden gehabt gesehen vnd verlesen haben von worte zu worte obgeschriebenen lauts Des zu vrkhundt haben wir vnser fürstlich Jnsigel hieran hengen lassen
Balthasar Ep(iscopu)s