Wir Burgermeister vnnd Rhat der Stat Lewenbergk, vnnd wir nachgeschriebene Baltzer Schort,
Jhan Kuncz, Jhan Kuncz der Junger, Jhan Neuman, Baltzer Scholcz, Christoff Muller, vnd Borge
Kramer, gesworen, vnnd gesessene Hoffschoppen daselbst, Bekennen vor allermenniglich, die diesen brieff
sehen, horen, adder lesen, Das Melcher Rothe, auß dem Lehngutte Treitschenbergk genant, vor vns bracht
vnd auffgelegt hat, eynen vnuersehrten koniglichen brieff, den wir an alle mackel, vnd argkwohn, heit
In allen clauseln, puncten, vnd artickeln, gancz volkomen, vnuerletz, vngeradirt, vnd trefflich an perga
men vnd sigill, vnnd ist sein Innhalt, von wort, zu wort, wie volget, Wir Kasimir von gottes gnaden, Herczog
zu Slesien, Teschen, vnd Grossenglogaw, von koniglicher macht, In Behemen, Hauptman der furstenthum
von Schweidnitz vnd Jawer, Bekennen offentlich, mit diesem brieffe, vor allen die ehn sehen, horen, adder
lesen, Das vor vns komen ist, der erbar, woltechtige Peter Vebelsitz, gesunder leibes, vnd gutter vor
nunfft, vnd hat mit wolbedachtem mutte, In eynem ewigen kauff, erblich, recht vnd redlich, vorkaufft, vor
reicht, vnd In vnser hende williglichen vffgelassen, dem vorsichtigen Baltzer Rothe, Im Treitschenbergk
seinen erben vnd rechten nachkomen, besitzern seines guttes, Eynen freyen wasserlaufft vnd graben
ober des genanten Peter Vebelsitz, vnd seiner armen mannes gutt, Vebels kine genant, In der Hollen
kein Schmetawsschen greinczende, Im weichbilde zu Lewenbergk gelegen, mit eynem freyen wehre, desselbin
zu bawen, also hoch als sie, der vorgenante Peter Vebelsitz, zu seinem teiche bedorffende ist, Vnd dar
zu eynen freyen weg, ab vnd zu, darzu zugehen, zureitten, zufaren, nach aller erer notturfft, als offt,
vnd dicke, ehn der nodt sein wirt, vngehindert, Vnd dasselbige wehr, sollen der genante Baltzer, nicht, seine
erben vnd rechten nachkomen, ferttigen, vnd bawen, Vnd frey haben, von dem außworffe des grabens,
die erde vff das wehr zufuren, vnd ap sie wo mehr, an Erdtriche, das wehr zubeschutten bedorffende
weren, das sollen sie frey haben, zunhemen, auß des gedachten Peter Vebelsitz teiche, vor ehn, seinen
erben, vnd rechten nachkomen, besitzern seines guttes, alles suhen vngehindert, Zu sollichem kauffe,
vorreichunge, vnd vfflassung, Haben wir von koniglicher macht, In Behemen, vnsern willen, vnndt
gunst gegeben, Vnd haben den obgenanten Baltzer Rothe, seinen erben, vnnd rechten nachkommen, den
obgenanten freyen wasserlaufft vnd graben, vber obgenanten Peter Vebelsitz, vnd seiner armen
mannes gut Vebels kine genant, kein Schmetawsschen greinczende, In der Hollen, Im weichbilde zu Le
wenbergk gelegen, mit eynem freyen wehre, vnd darzu mitsamem freyen wege, abe vnd zu, darzu zugehen,
zureitten, zufaren, nach ehrer notturfft, als offt vnd dicke ehn, der nodt sein wirt, vngehindert, vnd sunst
In allermaße, meynunge, vnd bescheidenheit, als obingeschrieben stet, Beseßen vnd gelanget, Leihen vnndt
Leinghen, gewachsam, vnd vngehindert, zuhaben, zubesitzen, zunyssen, zuvorkauffen, zuvorsetzenn,
Vnd an wem nutz vnd fromen, do ehn, das allerfuglichst sein wirt, erblich vnd Ewigk zuwenden, Vnsers
Herren koniges Lehen, diensten, vnd rechten vnschedlichen, Mit vrkund diß brieffes, Vorsigelt mit
obgenanten, vnsers Herrn koniges anhangendem Ingesigel, das wir von seinet wegen, als ein Haupt
man In den obgemelten furstenthumen, ader lehen, vnd sachen, gebrauchen, Gegeben zu Sibenmaße, am
freytag nach Christi gepurt, Virczehenhundert, darnach Im Siben vnd Neunczigsten Jare, am tag
Sanct Agathe, Dabey seind gewest, die Erbare, woltechtige, Cristoff Kapatzke von Hirdenaw, Henckel kauff
hendorff zu Plednitz, Cuncze Spellner zu Watzdorff, Sigmund Hedrich zum Langenforwerge, vnd der wol
namhafftige, Arnest Schoff, vffm Kynast, gesessen, Canczler Zur Schweidnitz, der diesen brieff gesagt, Im
behelhgunge, Des Zu Vrkundt haben wir obgenanten Burgermeister, vnnd Hoffschoppen