Ich lorenz dawffindorff von plackaw gesessen Bekenne vor mich alle meyne erbnhemen vnnd menniglich hirgethanenn, mit disem
brieue vor allenn dy ehnn sehenn horen ader lesenn dem nach ich mit freidigem gutthattem vorgehabtem rathe, gsinnt vnd gutter
vornunfft wolmegend der seelenn vnnd meynem vorganglichen diser werlt, vnnd kunfftig der seligkhait, mein vnd der meynen
betracht, habe ich all mein gut vnd habe am ackern wiesenn guttern zw plackaw, Innhalts eins kaufbrieues brieues mir daruber
alz mit dem meyne vor menniglichenn zw thun vnd zw lassen, crafft eines testaments vnnd redilichenn gaben, gegeben dem orden des
heiligen Iohanniz von Ierusalem des selbigenn Mechtigen iszigenn hern vnd prelaten, als dem Edlenn wolgebornen hern hern Ihan vonn
rosenbergk durch behmung ordenn In welschen obristen Meister, vnnd dem Achtbarnn wirdigenn hern wolffgango denner Comtor
zw Lemberg, vnnd allenn kunfftigenn daselbst Comtotenn vnnd pfarhernn, erblichnn mit aller herlichkait vnd zwgehorungenn
zwgeniessenn zw prauchenn zw thun vnd zw lassen, vnnd alleres Inleibenn, so brieff daruber getzlichen, Ingewennt vnnd zwen ackerstucke
am boble gelegenn, so benanter herr Comtor vor sich vnnd Nachkomlige dem ordenn zw gutte redilichenn gekaufft Innehat, vnnd
praucht, daran ich dy lehn gehabt auch allenthalben nachgelassen geeygent vnd gegeben, mit eyner wiesenn zw bemihem gutlein plackaw
gehorig der er aneth gepraucht, so freye vnd Thomas empman etwan Innegehabt, daselbst nach meim tode erblich In besitz nutz
niessenn vnd prauch allenthalben zw recht besessenn vnd gehabt furennemiglich angebunden freigenn so ich hirinne meim haussfraw
vnnd dy meynen aller Inmlichen nicht vnnerlessenn gelassenn Darumb dan ernanter Commendator zw Lemberg vnd alle nachkomlige
daselbst, Vorheisenn erblich Eignung fur mich vnd das gantze geslecht halden, gaben vnd almusen gebenn vnd anders so In soliche
meine letsten willen gaben vnd gemechte verordent gethun vnd zw pflegenn, alles trewlich vngeferlich, Vnd weil dan des allerdurchlauchtigist
Isten grosmechtigisten hern hern Ludwigi zw hungern vnd Behemen konigs meynes allergnedigistenn hern hirinn gnediges zwlassenn
vnd vorheissenn wil sein von notin, Habe ich solichs anvertrawenn vnd zworlassenn dem weisen gelertern hern Iacobo Beuttner Stat
schreiber zw Schweidnitz In Slesienn, mit guttem rathe vnd bedacht In der allerbestenn mase vnd weise wie ich thun sulde vnd mochte,
Volkummelichen Ingewennt gemechtigt vnnd obergebenn vorlasst vnd gebe hirmit crafft dises brieues gentzlichen gewalt vnd
macht, solich meyn gut vnd furennung plackaw, mit allem anhang vnd zwgehorunge alles vnnd ydes so ich daselbst habe, nichts
ausgeschlossenn Innhalts des kauflichen brieues doruber volzogenn, alreit entgewennt vnnd gegebenn daby vnd neben
dy zwen ackerstuck, vnnd wiese benant vor der ko: mat der gelegenhait ader Irer mat mechtigenn amptleuten vffzwlassenn
werbung, vfflösung vnnd besundung, dem Edlen wolgebornen hern hern Iann von rosenberg benants ordenz obristem
meister, dem Orden vnd Ordenz hause Commendatori vnd Brudernn zw Lemberg zwentholdung vnd gutte, vnnd
ernsthlichen alzo da bey zwbleibenn gebietenn zworlassenn vnd bereiten zw lassen, da bey alles Ienige zw pflegenn vnd zw thun
hette ader thun mochte von menniglich vngehindert, mit allen dingsen zw
recht ader gerchtichait In sunderhait ader gemeyn notig, Vobind alzo fur mich vnd alle dy meynenn soliche bemelte hande
lunge gabe testament vnd vberlassunge vnwiderruefflich, bey gutten trawen von disz vorschrieben alsz aufgericht, gantz
stete vnnd veste zwhaldem zwfurdernn vnd zw hanthabenn alles trewlich vngeferlich, So bey gewesenn dy weisen vnd gelerten
hern Magister Niclesenn hausen Iurisperito zw Zitte vnd Iacobo Beuttner Statschreiber zw Schweidnitz, Vnd zw vrkund
vnd vester vnuerruckter haldunge mit meim angeboren Ingesigel williglichen selbest besigelt vnd bekrefftet, Gebenn
Lemberg Montag Nach Ieorgi Im xxii Iare minder zale nach vnsers liebenn hern geburt &c