W
ir Hanns Dychtz vonn der Vyelawg vff Koniglichem Purgklohn Zinn pawer gesessen von Konig(licher)
licher macht Zcu Behmen Hawbtman des furstenthumbs Schweidnitz vnd Jawer Bekennen offentlich mitt
dysem briue vor allenn die yhn sehen horen oder lesen Das vor vnns khomen ist der Erbar Wolff Guntzell
von rawssendorff In plawkowitz gesunder leibes vnd gueter vernunfft vnd hat mit wolbedachtem muete
yn vnsern obersten Iudicio freywillig vnd vngetzwungen recht vnd redlich verkaufft vorreicht vnd In vnsere hande
freilliglichen vffgelassen dem Achtbarn Wirdigen Herrn wolffgange Thume des Behmischen priorats
Stathelter vnde Compter Zcu lewemberg vnde allen seinen nachkhomen Ein marg geldes Ierlicher vnd
Ewiger Zinsse als Zehen pfenninge vor einen grossen geczalt vnde Ierlichen vff Iudica vff dem ackern
vnd wiesenflecken der gassen genant Zcu plawkowitz doselbst ym weichbilde Zcu lewemberg gelegen Zcuhaben
mit allen seinen rechten nutczen greniczen herschafften fruchtbarkeyten vnd gerechtickeiten yn allermasse
vnd weisse Wie yr der genant guntzell rawssendorff selbs gehabt gebraucht vnd besessen hat nichtzs
ausgenomen sunder an dem gerichten des ganczen dorffs plawkowitz soll der Herr Stathelter vnd Compter
Zcu lewemberg vnde alle seine nachvolgende compter doselbst den sechsten teyll haben auch sall sich der gebawer
Ivon dysem ackerstucke vnd wysenn mit guldunge vnde ander pflichten kegen dem Herrn Stathelter vnde
nachkhomenden Comptern vndertanig allenthalben verhalten Vnde obb sichs begebe das sich dyser acker
vnde bodemschulden kegen dem Herrn Stathelter vnd hoppen als vnsere vnderthanen etwos Zcwe(i)
spalt erhubesche das sall guntzell rawssendorffen seinen erben vnde nachkhomen nichtzs Zcuschaffen haben
sunde sy sollen genanten Herrn stathelter vnd nachkhomende Compter Zcu lewemberg hieran an allenn
einhalde vngewirret lassen wass aber betrifft die andern huenn gense weis vnde guntzell rawssen(dorff)
dorffenn gelegen sall der Herr Stathelter vnd compter sich gancz nichtzs anmassen sunder ein ytzlich
partt ane allen einhalt des andernn seiner erbgrunde halden Iegen Iren gebawer der gebur selbs
Zcuweisen haben Auch sollen ewiglich dysse marg geldes vnd halden sambt obgenantem Acker vnde
wiesenflecken bey dem hawsse vnd Compterey Zcu lewemberg bleibenn vnd kein Compter ytzunt noch
kunfftig Zcuverkauffen oder sunst Zcuentwenden keyn macht haben sall sunder ewiglichen bey dem orden bleyben
vnd ab es geschehe sall es dennelichen vngestalt verfallenn sein Zcu solchem kauff Vorreichunge vnd
offlassunge haben wir vonn koniglicher macht Zcu Behmen vnnsern willen vnd gunst gegeben Vnd
haben dem obgenanten Herrn Wolffgange Thume des Behmischen priorats Stathelter vnd Compter Zcu
lewemberg vnd seinen nachkhomen die vorgescheden Ein marg geldes Ierlicher Zinsse Als Zehen pfennige
vor einen grossen geczalt vnde eine halden Ierlichen vff dem ackern vnd wiesenflecken der gassen genant
Zcu plawkowitz ym weichbilde Zcu lewemberg gelegen mit allen rechten vnd herschafften vnde den sech(s)
stenteyll an dem ganczen dorffe plawkowitz vnd sunst yn allermasse meynunge Weisse vnd artickelnn
Wie vnden(schrieben) obn clerlich geschrieben steht Belihen vnde gelangt leihen vnd langen gennantem
vnd vngehindert Zcuhaben Zcugeniessen Zcugebrauchen Zubesitzen vnde bey dem gemelten hawsse vnd Comp(terey)
terey erblichen vnd ewiglichen Zubleiben vnd dauon yn keynerley weisse Zcuentwenden noch Zcuentpfrem(den)
den vnssers Herrn koniges lehen diensten vnd rechten vnschedlichen mit vrkhundt diss brieffs Versigelt
mit obgenanten vnssers Herrn koniges anhangende Ingsigell Dass wir denn samptwegen als ein hawbtman
In den obgemelten furstenthumern vber lehen vnd Erben geprauchen Bescheen Zcu lewemberg am Begeben Zcu
Schweidnitz Nach christigeburt funfftzehenhundert darnach ym vier vndtzweintzigsten Iaren dornstags Nach
Visitatio(nis) marie Dabey seint gewest die Erbarn vnd Erueste hannss wencke dyczkell tschay von drame
george kridener von Czeishendorff vnd der wolnamhafftige Ernst pfaff von kynast Cantzlar Zcu
schweidnitz der dyssen brieff gehabtt hat In befelunge