Wir Marolt von hovnwg santh Joh(an)is ord(en) von Jrl(usa)l(e)m czu Behem czu polan czu merhern czu Osterreich gemeiner gebietiger
Bekennen offenlich mit disem kegenwortigen prieffe allen den di dysen prieffe sehen horen oder lesen daz wir durch sunders
nuczes willen des haws czum Brige mit wolbedachtem mute vnd mit rate vnser eldisten dy wir an der weile bey vns hatte(n)
czu Glaacz in eim gemein capitel so habe(n) wir erlawbet dem Ersichtige(n) ma(n)ne Mathes vnd(er)tenheim p(ur)g(er) czum Brige der vns(er)s
ordens s(un)d(er) frunt vnd gvner ist daz er muge seinen sun Mathe der ein Erewtige(r) vns(er)s ord(en) ist chawffen funfmarck jerliches zins
~czinses~ ~ein~ ~ledige~ ~zins~ seines vns(er)s liben bruders alaine ~mathes~ chawffes weyse vmb funfczig marck pragenscher pfen
nig polanscher zal dy er mit gereitem gelde gancz vnd gar bezalt hat vff vns(er)m hawse czum Brige in marck vff
sant walpurgis tag vnd iij marck vff sant michele tag mit sulcher bescheydenheit also lang als beyde leben als lang
sol der vat(er) der obgenat(en) funfmarck gewaldig sein vff czuheben vnd nemen von vns(er)m Compt(ur) der nu ist oder der czuk(un)fftig
wirt in vns(er)m hawse czum Brige vnd dem furbas reichen oder geben wer daz aber daz der egenat(e) sun Mathias vns(er) bruder
sturbe so schulu(n) di obgenat(en) v marck gevallen vff daz haws czum Brige ydoch mit sulcher purde daz daz haws ewig
ein ewiges selgerethe im vnd seinen vord(er)n dy bruder des haws singen schulen alleweg czu oren iarczeit(en) eins in jare
des abendes ein vigilge mit ix lectien vnd des morgens ein selmesse vnd also furbas alle iar ewiklichen wer aber daz
der vorgenat(e) Mathes der vat(er) vns(er)s bruders e sturbe wen sein sune so schol daz vorgenat(e) selgereth alczuhant angen in dem
selben iare vnvorczogen mit der vigilge vnd mit der messe als vorlichen vnd der obgenat(e) Mathias sein sun vns(er) bruder d(er)
wirt er vnd schol da(n) men alle iare als lang er lebe wen er aber gestirbet so sol der selbe firdung auff daz haws ge
vallen vnd daz haws sol furbas gancz bleibe(n) vnd vngehindert von dem gelde vnd wer daz daz der Compt(ur) an den selb(e)n
gelt daz selbe selgereth vorsewmpte vorgesse oder vorlicze als dyk daz gesche als dyck vorpude(n) wir dem kirchenvater
der dez warten wirt den Compt(ur) des haws vi grosschen geben czum gepewde in sant Jndas kirchen an alles widerspreche(n)
mit vns(er)m anhangenden Jngsigel der do geb(e)n ist czu Glaacz nach xpi gepurt dreiczehenhundert jar jn dem dreien vnd
newnczigisten jar am dinstag jn der Crewczwochen