Compt(ur) zcu(m) Tinz
Ich Boroth von Stachaw brud(er) des ordins sinte Joha(n)nis von J(e)r(usa)l(e)m Beke(n)ne offinlich yn de(m) brife
allin den dy en sen hoern adir lezin das is gesche(n) ist vor myn kegenwortikeit mit myn gunst vn(d)
willin dy das dy pyetancia des haus zcu(m) Tinz recht vn(d) redlich gekowfft hat eyne halbe marg
ierlichs czins wedir wenzil bo(r)zene vn(d) sin su(n) pesin zu Czezin syne eliche frawwe dorothay
vnd sine kinder vmb fu(m)f marg gut(er) p(ra)gischer grosshin behemisch(er) monze wolm(er)k(er) czal
der se bezalt syn gancz vn(d) gar mit enandir yn eyne(m) hawff(e)n vn(d) habn eyn gebawr heynrich
newman genant mit eyn(e)m huby gut an dy pyeta(n)cia gewiset d(er) do selb(er) gelobte dy egnate halbe
marg zins alle iar irlich zu geb(e)n vff czwene tage eyne(n) firding uff sinte galls tag d(er) neheste
ist an zuhebn vn(d) eyn firding vff sinte Joh(ann)es tag des tewff(er)s d(er) nehesty dornoch vn(d) alzo vorbas me
alle iar ierlich dy wile d(er) czins nicht wirt abe gelosit wed(er) vmb fu(m)f marg vn(d) wen is d(er) egnat(e)n
wenzil bo(r)zene adir dysin vormug(e)n vn(d) welln dy halbe marg czins wed(er) abe lozin das sal en dy pye
tancia wol gu(n)ne(n) vnd ap d(er) czins vff dy vorge(sch)rib(e)n czit vnd tage gancz vn(d) gar nicht be(cz)alt(er) zo
sal eyn pyetancier meyst(er) vff heynrich newmas gut pfend(e)n vn(d) mit den pfand(e)n tuen alz alle
rechte do mete lengerichte begang(e)n werd(e)n des zu eyn(e)m geczügnisse hab ich egnat(er) Boroth von
Stachaw myn Jngesegil an desin brif lasin heng(e)n Gegeb(e)n noch c(r)ist(i) gebort tawzint iar firhund(er)t
iar dornoch ym fu(m)ft(e)n iare an sinte Joh(ann)es tag des tewffers z(u) vnse(r) lib(e)n h(er)r(e)n