Confirmation vber den vertrag zwisschen dem herrn von
Strakonitz vnndt hertzog georg zue Lignitz

Wir ferdinandt (et)c(etera) bekennen vnd thuen khundt menniglich
dz fur vns khomen sein vnndt Erschienen sein, der hochgebornen
In schlesien furst vnd wolgebornen, vnser lieben getrewen
George hertzog In schlesien zue Lignitz vnd briegk vnd Zwinikha
Berka von der taub(en)a(u) strakonitz, oberster maister des behaim
ischen Priorats, vnser Cammerer vnnd vns ein vertrag so durch
den hochgebornen vnsern fursten vnd lieben getrewen hain
richen des heiligen Römischen Reichs Burggrauen zue meissen
Grauen zue hartenstain, vnd herrn zue plauen vnd gera vnsern
Rath Cammerer, vnnd des künigl(ichen) reichs behaimb, obrister Cantzler
Zwisschen Inen gehandelt vnd beschlossen, fur gebracht vmb darauff
demuttig gebitten dz wir denselben alls Römischer húngerischer vnd
behaimbischer künig gnedigst zue Consentiren vnd Confirmiren geruechten
Welches Innhalt von wortt zue allso lauttet
Im Nahmen der heyligen dreifaltigkhait Amen, zue wissen Nach dem
vnd alls sich Irrungen vnd gebrechen zwisschen dem durchlauchtig
vnndt hochgebornen fursten vnd herrn herrn georgen hertzog zue Lign
nitz vnnd briegk In schlesien, an ainem, vnd dem andern
hocherwirdigenn wolgebornen herrn herrn Zbnika berka von der
Taub(en)a(u) strakonitz Röm: künig: may: Cammerer, vnd des
Priorats In behaimb oberster maistere zue sambt seiner genadenn
Commandatorn vnd ordens verwandten der Commentereyen
vnnd heuser Allt kintz brieg vnd lossau, auch Iren allen vn
derthonen vnd guettern Anderb thails zue getragen vnd erhalten
In dem dz hochgedachter hertzog sich etzlicher gerechtigkhaitten, an
den genandtenn Commandotorn Iren kirchen heusern vnd
vnderthonen Angemasset dem aber der herr maister vnd Com
mendators seiner furstlichen genad(en) nicht zue stehen vnd ein raumben
sonndern gegenn S(einer) furstlich(en) genad(en) gantz frey vnd von dersel
ben S(einer) furstlichen genad(en) vnbeschwert bleiben wollen, allso sein