FRATER Joannes de Valleta Dei gratia sacrae Domus Hospitalis sancti Joannis hierosolymitani Magister humilis Pauperumq(ue)
Jesu Christi Custos Religioso in Christo nobis charissimo fratri Sebastiano Sesenk commendae nostrae en Strigau Prioratus
Boemiae commendatario salutem in Domino sempiternam. Sperantes naturali tua industria salubri Regimine, accurataq(ue)
solertia dictam commendam in suis agendis melius dirigi et comodius gubernari, Idcirco tenore p(raese)ntium discedendi de n(ost)ro
Conuentu Melitae eundiq(ue) ad dictam comendam, et denuo ad memoratu(m) Conuentu(m) cum a nobis accitus fueris redeundi
licentiam tibi damus et liberal(ite)r impartimur In cuius rei testimonium Bulla n(ost)ra Magistratus in cera nigra
P(raese)ntibus est impressa Datum Melitae in Conuentu n(ost)ro Die Vigesima prima mensis Maij Millesimo Quingentesimo
Sexagesimo Sexto.