Wir Karl von gots gnaden Romischer keiser zu alln zeiten merer des Reichs vnd künig zu Beheim Bekennen vnd tunt kunt offenlich
mit disem briefe alln den die in sehen oder horent lezen das fur vns komen ist der Hochgeborn Bolke Herczog zu Munsterberg vnser
lieber Swager vnd furste vnd hate vns mit vleize biten das er der Hochgeborn Eufemia seiner elichen wyrtinn zu rechtem furstlichen
leibgeding gemacht vnd geben hette die Stat Munsterberg mit irem weichbilde mit allen herschefften lehenschefften manscheff
ten lehen Geystlichen vnd weltlichen lehenluten gutern vnd knechten mit dem closter Henrichaw mit gulden Erczen Renten
dorffern Eckern vorwerken wolden welden puschen bergen talen slechten dorren weiden weyden wazzeren wazzern
wazzerleufen vyschenen Berkwerken funden vnd vnfunden vnd vornemlich mit allen rechten eren nuczen vnd zugehorung
wie die genennet sein vnd mitnamen ouch hundert vnd fumfzehen mark geldes uf den dorffern Marienow Bresis vnd
Bermansdorf gelegen in Grotkner weichbilde als er die regirt hat vnd besiczt die von vns als einem kunig zu Beheim zu
lehne ruren das wir zu sulchem leibgeding als ein kunig zu Beheim desselben furstentumes vnd herscheffte oberster vnd na
turlicher lehenherre vnser gunst vnd guten willen zugeben vnd dieselb Stat mit irem weichbilde herschefften lehenschefften
vnd allen iren zugehorungen mitsampt den eegn(anten) hundert vnd fumfzehen mark geldes als vorge(schriben) stet der eegn(anten)
seiner wyrtinne zu rechtem furstlichen leibgeding gnediclich zu verlehen geruchten des habn wir durch sunderliche gunst vnd
liebe die wir zu dem eegn(anten) vnsim Swager habn seine redliche bete gnediclich erhort vnd habn mit wolbedachtem mute mit
rate vnser fursten edln vnd getrewn zu demselben leibgeding vnsere gunst vnd willn gebn vnd der vorgenant Eufemia seiner
wyrtinne die eegn(ante) Stat Munsterberg mit irem weichbilde herschefften vnd alln zugehorung als obengeschribn stet vnd mit
sampt ouch den eegn(anten) hundert vnd fumfzehen mark geldes zu rechtem furstlichen leibgeding verlihen vnd gereicht leihen
vnd reichen ir die mit crafft dis briefs mit rechter wizzen vnd kuniglicher macht zu Beheim von vns vnd der Crone zu Beheim
zu habn vnd als furstliches leibgedings recht ist alle ire lebtag rueliclich darubir ouch sie mit vnser gunst vnd willn zu
vormunden vnd vorwesern gekorn hat die Hochgeborn Elynur in der elsten vnd Henry in dem Czyczen Herczog vnse lieben
Swager ire dasselb leibgeding vorzuhalden vnd sie dorinne getrewlich zu vorwesern wir bekenn die briefe vorsigelt mit
vnsm keiserlichen maiestat insigle Geben zu Prage noch Cristi geburt dreuczenhundert jar dornach in dem dreyund
sibenczigstem jare an Sand michels tag vnsers Reichs in dem achtundzwenczigstem vnd des keistums in dem newngenden
jare