In gotis namen amen. Wir Ludwg von gotis gnadin herczog in Slesie und herre zun Bryge und zur Olaw. tun kunt allin den dy desin briff sehin horin adir lesin. daz unns unsin vor
farn den furstin werkin irkysin und merkin. daz der selbin schteyt eyn richter ist des heymlichs der geystlichen lewte. ewe gemach. und fromen zunfunden und zustehtin. dorumb hab
wir zu lobe und zu ern dem almechtigin gote und sente Johannes dem towffer unsim howptherren und durch libe wille des irlochtin furstin herczog Boleslaib zu thesschin un
sus libin swogirs und oyms des eynigen des selbin sente Joh(an)s ordin zu Benyn. zcolay. oterem und ostirrich von sundirlichen gnadin gegebin und vorlegin und vorhangin daz
dy geystlichin brudir der comptowr und dy samenunge des hoffs zur Olsin in unsim wichbilde zur Olaw gelegin ane swer huben ackirs adir wenynk me dy sy zu dem selbin hoffe
behaldin sullen alle den andirn ackir den sy mit erin phlugin us dem hoffe von aldirs geert habin usseczin mogin und eyn newe dorff machen daz ouch dy Olsin namen habin sal
in dem dorffe alleyne und nicht vordir also verne der ackir in synen endin begrifft den selbin brudern dem comptowr. und der samenunge und erin nochkomlingin gebin wir und
veyhin alle recht dy obirstin und dy nedirn den geystlichin. unmigelt getreide dy zu herczogis losunge gehorin mit andirn erbrechtin und herschafftin zinsin rentin. eynungin fun
din mit allim erplichen gewise tun als ir volkomen gerichte obir dy inwoner der selbin newen ussaczunge und obir alle zukomendin ussirlichen lewte alle sachen zurichten
doch neme wir uns us unse hoffgesinde und dinstman rittir knechte und andir dy erbgut und len von uns habin dy von uns zu len gen obir dy behalde wir uns und unsin geer
bin daz gerichte dy selbin doch bin unvortochin den selbin cruczigern und erin richtern do selbist sullen vorbugin werdin also lange das wir adir unsin hoffrichter in dem selbin
dorffe gerichte phlegin das den lewtin bey den gebrochin ist noch gewonheyt unsir lande volkomen recht gesche wir wellen ouch daz un dewile dy obir czen marcz trut. und
eyn powp. und eyn norczogin unsin lantlute do selbist mit erim richter daz gerichte siczen sal als das in andirn dorffin in den wir noch unse gerichte habin gewonlich ist also das
des selbin gerichtis uns der dritte phenning den egenantim cruczigern czwene phennige eymir eyn der andir erim richter zugehorin sal. darobir leve wir den selbin cruczigern
in dem selbin dorffe daz sy newe usseczen werdin das sy eynin richter adir voyt habin sullen cwene creczchem machin eyne fleyschbank eyne brotbank. eyne schubank eynin sho
der eynen smet eynen schruwe noch dorffs rechte habin sullen und mogin und alle andir dink schickin und schaffen stubin wisesin hoffe und gartin usseczen mogin wie das wirt
tun das in allirbeste und nuczlichste mag gesin doch behalde wir uns und unsin geerbin in dem egenantim hoffe zur Olsin unsin nachelegir und andir herschafft als unsin vorfarn
furstin und wir von aldirs gehabt habin und ab do selbist eyn feste hoff gebowt wirt der sal uns zu unsin und unsirs landis ere und not offin sin als andir unsir und unsir
manne festin. ouch das selb dorff Olsin das von newes usgesaczt wirt dy selbin crucziger der comptowr und dy samenunge dy in dem hoffe Olsin sint adir zur czeit do sin werdin von
uns und von unsin geerbin sullen habin und besiczen ewige czit zu eygnem rechte und an erin nucz und nordorfft wendin als in das allir bequemlichste mag gesin. des habin wir
eungin bestatunge desin selbin briff heysin schribin und mit unsim yngsegil vorsegilt und befestin der gegebin ist zun Bryge an dem montag vor sente hedwig tag noch
gotis gebort tusint drihundirt jar in dem sebin und sebinczigstin jor do bey sin gewest zugeczwgin unsin getruwin. her heynrich von reczmberg her hanke von gletz
dy rittir. fredrich von gultz. hanke zewr wicze ome. hanke voyt von der Olaw. und her joh(an)s der thechant zun Bryge unsin schriber. dem desin briff bevolhin wart in