Wir wenceslaus herr vonn Hasenburg auff stracko=
nitz Bekennen vnnd thun kundt hiemit diesem Briefe
Offentlich fur Jedermenniglich vor vnns vnnd vnser
nachkommen. Nachdem der Edle Wolgeborne herr herr
Wenzel von Kitlitz, dem haus zu sannt Jurg bau=
stellenn, so vor drey heuser vnnd vermoge der alten
Briefe vorzinsett wordenn, zwischen dem hause vom
Konykorb vnnd eim Einhaus der stadt Badestuben
Vnder der Ordenns zugehorenden herschafft vnnd
freiheit vor alters In seinen Reinen vnnd Grentz=
enn gelegenn, Der Edlenn tugentsamenn frawen
Elisabeth Wilhelminn vonn Glesedig Herrn Wolffs
Lodelr seliger nachgelassennenn widtwen Jrenn
Erbenn Erbnemenn vnnd nachkommen recht vnnd
Redlich verkaufft. Dethutt auch offtgedachter herr
vonn Kitlitz der genanten frawen Elisabeth Wilhel=
min, dieselben drey heuser, mit aller Recht vnnd
Gerechtigkeit wie Er dieselbe Jnngehabet, vnnd
besessenn, vor vns freiwiligt auffgelassenn,
Welche heuser wir Jnn ansehungt Jrer billichenn
bitt, aus habender macht, vor vnns vnnd alle
vnsere nachkommen gemelter keufferin, ge=
reichet vnnd gelehnet, Jnnsummen reichen vnnd
lehnen Jr dieselb mit denenn Reinen vnnd
Grentzenn, freiheit vnnd Gerechtigkeit, wie
sie vor altershero gelegenn, Erblich vnnd Ewig=
lich vor sich Jre Erbenn Erbnemenn vnnd nach=
kommen, dieselbe Jnnzuhaben, zubesitzenn, zuge=
niessenn, zuversetzenn, zuvergebenn, zuverwech=
selnn, zuverkauffenn vnnd damit zuthun vnnd