In dem namen Gotes Amen Wyr Katherina von Gotes genaden Herczogynn czw Munsterberg Thuen kundt myt dysen briue allen
inczunge(n) Das wiewol sunst der Erlaucht furst Herr Bolko von denselbigen Gotes genaden Herczog in Slesienn vnd Her czw Munsterberg vnd czw Frankensteyn
geliebeter gemahel Hundert vnd funffczigk marg Prager grosschenn Polnischenn vnd gewonlichenn pagamentz nemlich vier schillinge grosschenn vor eyne iczliche marg gerechent
Rentte vnd jerliche czins czw vnserenn lebetagen schriben czusagen vnd czunemen In den vnd auff den Dorffern ader Guttern Czergenaw Hermanstorff vnd Crosis
des Strelischen kreysses Welche Dorffer vnd Gutter mit yhren Czuhorungenn vnd luttichen Renten Nuczen vnnd allenn tczinsen czw dem hawse czw Ossen Or
dens Hospitalis des Heyligen Johannis Jherosolimitan(i) Bresslischen Byschoffdoms vnd czw derselben eygenschafft von alters gehorin vnd hewte noch gehoren Vnd yn welchenn
Gutternn ader Dorffern gesagter furste Bolko vnser gemahel dyselben Rentte ader tczinsse der Hundert vnd funffczigk(en) margk wegen der Obersten vnd furstlichenn
Herlikeit ader Gerichtes bys alher hat behaldenn Vns thun eyner wdergeugaben ader Donationn wegenn der Ehn hette tczugeeygent Sunder dieweyle derselbe furste Bolko
vnser gemahel darnach von vnsrem awssgedrucktenn rathen willen vnd wolgefallenn dy selbigen Rente ader tczins In vorgesagtenn Dorffern Czergenaw Hermanstorff
vnd Crosis dem Erlauchtenn furstenn vnd Wirdigen Heren Heren Conrado Herczogenn czw Slesienn Vnnd dem Priori der Hewser obgesagtenn Ordens durch
Behemen Polenn Vngernn vnd Osterich gemeynlich gesaczt kewffenn vnnd neymenn vor sich dem Briesler Conuent vnd Brudern vnd yren nachkomelingen des vor
gesagtenn hawses czw Ossen durch sie czuheben czuhabenn vnnd czunemenn myt Erblichenn vnd Ewiglichenn Rechte Als vmb vber das vnsere gemahel
haben Inhalts vnsers gemahels Vnd dem Priori Briesler Conuent vnd obgesagtenn Brudern gegeben kowfft vnnd awffrichtiglich verkawfft hat Vnd Wyr
czugleyche mit Demselbenn vnsrem gemahel verkawfft habenn Vmb eyne sonderliche Summa geldis nemlich vor Tawsent Sechshundert marg grossenn vnd
obgesagtenn Pagament Welche wir tczusampt vnsrem obgenantenn Gemahel Bekennen von Ihnenn ynn barem vnd geczalttem gelde ganczlich vnd volkomlich genummen
habenn Vnd dasselbe geldt yn vnsere beczale nuczlicheit vns gewandt sey Hirumb wir alle vnd Iczliche dinstlewthe Rytteren Schultis Gebawer
Gartner vnd alle dy andernn eynwoner vorgeschribener Dorffer von allenn besalungenn dinstenn Gehorsamgenn vnd Rechtenn mit was nahmenn sie genant werden
dy welichenn sie Vns allenthalben vorbundenn ader vorpflicht gewest seyn frey vnnd loss lassenn Tczugeygennde ynn vorgeschribentenn Priorem Briesler Conuent
Bruder vnd yhre nachkomelinge Alle Herlicheit vnd Recht das vnns ynn vorgeschribenenn Dorffern vnnd yn derselbigenn Eynwoner hat gehoret Hiruber nicht
vnuorsichtiglich ouch nicht durch yrtumb nicht geczwungenn ouch nicht heymlich tczuczw gedrungenn nicht betrogen Ouch nicht ingefurt Sunder awss freyem vnnd ratligem
Willenn awss vnser eygenn wyssenheit mit tczusendenn awssrathe vnd frilichem gemute widerprechen wir offentlich mit dyssem briue der wdergeugaben ader der
Gabenn vnd der Ehn willenn Vnd awss allem Rechte vnnd Gerichteshendelnn Weliche vns soliche vns wegenn solicher wdergeugabenn Vnd gabenn
vmb der Ehn willenn geburt hat ader hernachmals eyniczeley weyse geburenn mag In obgeschribenn Gutternn Renten ader tczinsen Vnd dem furstlichenn
Rechte ader Oberster Herlicheit der krafft eynicherley Geseczes Vnnd sonderlich dem Priuilegio des Geseczes Velleiani Denn welichem Wyr vnsrem
gemahelnn vnderrucht seyn vnd gewiss gemacht ader eyns andernn Rechtenn weltlichs ader Geystlichs des geseczes Consuetudinis des vaterlandes ader gewonheit
ader der Statuten vnnd dem Kayserlichenn Gemeynem ader Sonderlichem Statut yn der Cweder gancz awssgegangenn ader noch awssgehann mochte Welichen allenn
vnnd ydenn als wennn sy Herynne von worte czw worte eyngeschlossenn mit was nahmenn ader worten sie awch genant werden Vnd sonderlich dem Rechte
welichs wegenn der Briue des Durchleuchtigstenn furstenn vnsers Herrenn Durchleuchtigstenn Romischenn vnd behmischenn Konyges vnd der vormundtschafft ynn den
selbenn Briuen offentlich ader sunst ynn was gestalt vns mochte geburenn Awss lawterndem awssrathe vnd frilichem gemute als vorgesagt hyemite offentlich widerprechen
Vorheyssennde awss guttem vnsrem glawbenn vnn alle gestalt besus betrucks das vnns vnser Erben vnd nachkomelinge das wir nymmer yn keyner tczeitt
eynigliche gesagte Rente ader tczinsse welichenn fordernn ader vnderstegennn Gerichtelich ader awsswendig des Gerichtes Ouch vnns keyn Recht wegenn
der wdergeugabenn ader der Gabenn wegenn der Ehn als vorgesagt ader waserley ander vrsache das synne eynen andernn ader andere vnsere vormunde
gericht ader nicht gerichtliche offentlich ader heymlich mit waserley menschen list ader gewalt sie vns tczu sie das sey tczueygenn Vber ader vff dy Rente ader tczinsse
ader awss deweyle gedachte Priorem Briesler Conuent vnnd Bruder vnd yhre nachkomelinge yhre Gerichte laden ansprechenn ader vnder sie vber dye
selbenn handlenn ader sunst mit ander weyse betrubenn Auff das sie nicht von vns ahm Ihnnhalden sollenn vnd mogenn dysselbigenn frey eynnemen Vnd
eyniglich geruglich besiczenn Tczu vrkundt kegenwertige Brijffe tczu Geczeugnis Ist vnser Sigel angehangenn Gescheenn vnnd Gegebenn
czw Slesienn am tage des Heyligenn apostelis des Ewangeliste Sante Thome geburt Tawsentt Drewhundert Nweinvndsybenczig Erczbyschoff vnser getrewenn
der Gestrengenn vnner Reteradt von Radeburg von Rostenaw Heynrich von Korfing von Wedeling Peregrin von Gatte Johann tczubabe Conrad vamy
Nweyssig Wenczel von Guching Gunczel von Gotschirk Heynrich thamborn Heynrich von Kynowin Bumbelin von Craking Inyram von Plo
Jann kussaburg Conrad von Heynrich Nickel von Gysigk Vnd viler lewte vnschuldige Vnnd durch Johann Ryschensteyn vnser
Hoffschreyber Welicher dyssenn Bryff hat ynn beuelh gehatt Geczeuge durch vnns czw dem vorgeschribenn vorordennth