Ich her Conrod von Frideburg der nowangis genant vnd her hengil Czez
czink Gunczil von Bousing Conrod von Hayn der Junge vnd heynrich schouf
tun czuwissin vnd bekenn vffinlich in desim briue allin den dy en zen adir
horin lesin daz vns der hochgeborne furste h(er) Semouith h(er)czog czu thessin
meyst(er) sent Joh(ann)is ordn czu Behm hat beczalt recht vnd redlich hund(er)t m(a)r(c)k
prag(er) gross(en) polnisschir czal vf sente mertins tag dy her vns schuldig ist ge
west von der gut weyne Bwezory vnd kanczia dez ob geschrebn geldis
hund(er)t m(a)r(c)k lazse wir ledig den obgenantn h(er)ren h(er)n Semouith vnd seyne
nochkomlinge vnd sein ordn czur olsen vnd alle seyne burgin vnd alle
dy dy in czukunftigin czeytin dorum mochtin gemant w(er)din vnd quiten sy
mit craft desis briues der vorsigilt ist mit vns(er)n anhanginden Jngesi
gelen Geschen vnd gegebn czur olsen in dem cruczhouse Noch Cristi ge
burth dryczenhund(er)t Jar vnd in dem eyn vnd achczigistim Jare an sun
tage dez heylgin sente Mertins obind