In gotis namen Amen Alle ding di do gescheen inder czeit der sint vorgezzen ancziten / swe sy nicht
mit geczugnisse der briue bestetit werdin vnd bescheinit / dorvmb wir zemiouich von gotis gna
dn Herczog zcu thesschin Maister des heiligen ordins sand Johans von Jher(usa)l(e)m an Bohem(en) polan
Merhern vnd ostirrich etc(etera) tun cziwissen vnd bekenen offinlich in desim briue allen keginworti
gen vnd zukunftigen dy en seen horin adir lesin / das wir mit wolbedochtem mute vnsirs sel
bis / mit rate vnd mit wissen vnsir Eldisten Comethier habn eynen recht(en) vnd redlich(en) kouschlag
getan / mit Stephan Bisschofsheym czu Calnow vm das gerichte do selbist zcu Calnow / vnd vm
das gerichte zcur olsen der newen vssaczunge Also das der egenan(te) Stephan hot vnsim ordin vnd
vns vffgelazn das gerichte czu Calnow / so habn wir ym wedir durch des selbn kouschslags vnd sinis
getruen dinst wille den her vnsim ordin vnd vns lange getan hot vorreicht vnd vorstribn das
gerichte des dorffis zcur olsen / der newen vssaczunge dem egenan(ten) Stephan Bisschofsheym / ym
vnd sinen erbn vnd rechtin elichin nochkomlinge erblich vnd eweclich zcu besiczn mit dryen hubn
Ackirs / als di gelegin sint / bemeszin in eren reymen mit dem holcz der Eylinbalk geheszn
by dem houpegarten mit wegeweide / das doran gehort / vnd besundir / mit der weschewese
der Brucken als man get ken smusindorff vf dy rechte hant mit dem drittin pfennige
mit eynir geldenlider strisse / des selbn gerichtis Stephan Bisschofsheym egend(er) vnd sine Erbn
vnd rechtin nochkomlingn sulln besiczer sin vnd sulln tun vnd lazen do mete noch eren fromen
vnd nutzikeit / vnd als sy das en allir fromlich(en) mogen gemachn / als ist zcu vorkoufen zcu seczen
zcu vorwechsyln / vnd in eren fromen vnd nucz zcu keren vnd zcu wendin als bestetidiglich das Ste
phan vorgestreb(n) / adir sine erbe vnd rechte eliche nochkomlinge von dem selbn gerichte dnen
sulln vnd gebn eylf phunt pfeffirs alle iar vf alwene tage sechs phunt vf sand walpurg(is)
tag vnd sechs phunt vf sand martins tag des heiligin bysschofis eyme Comethier zcur olsen
vnd den brud(er)n do selbist zcur olsen / czu gotis ordin obgestrebn di iame sin adir her noch zukunftig
werdn ouch sul stephan egenan(te) vnd sine eliche geerbn vnd nochkomlinge di leen enphaen
von dem Comethier des egenan(ten) husis der olsen / vnd sulln tun do so recht an tun kegin
ire herschaft In vrkunde vnsir Ingesigils der meisterschift das wir zcu eynir bestetun
ge der obgescreb(n) rede an desin briff habn lasin hengen / vnd ist gescheen zcur olsen in den
pfingstheiligen tagn noch gotis geburt druczenhundirt iar vnd in dem vir vnd achczigisten
jore do sint by gewest di erbn brud(er) sludig von huglicz Comethier zcu lichtenow stathel
der czu polan brud(er) Joh(ann)es vase Comethier zcu breslaw brud(er) pet(er) von ratibor Comethier
czur olsen an der czeite(n) her michil rick / vnd jesko gebrud(er) von kinczanczowicz