Wyr bruder Ruprecht Herczog in Slezien vnd Compthwr czur Olyen ordens se(n)t Joha(n)s von Jrl(usa)l(e)m Bekenne(n) offe(n)lich
in disim brife allen kegenwortige(n) vnd czuku(n)fftige(n) das vor vns sint kome(n) dy erbi(n) vnd geistliche(n) herre(n) vnd brud(er)
vns(er)s ordens her niclos Gulnicz vns(er) huskompthur an den geczeiten her franczko Jamals an den geczeit vor h(er) anclos
lubschicz her felix pfarner an Neme(n) her henczel von lubschicz her pet(er) lom(er)car pictanacmeyst(er) an den geczeiten
her andrel phlingmeist(er) von doucze her franczko vag(er) he(r) niclos von slalvko vnd dy selben bruder habe(n) mit vnser
gu(n)st mit wolbedachte(n) mute du(r)ch mercliches nuczes vnd frome(n) d(er) pictanac czur Olyen vorkawft raht vnd redlichen
uf dy selbe pictanac czur Olyen dem erbi(n) geistlichen bruder Erasmo Burgmeist(er) czu syne(n) leybe vnd lebetage Jerliche(n)
czins allczweyschok Behemischer grosshen du(m)me her kczalt hat gercyt(er) schok acztic sch(ok) Behemischer grosshe(n)
dozcme och dem longenante(n) brud(er) Erasmo Burgmeist(er) geuallen sal Jerliches czinses alle Jar czu syne(n) lebetage ey(n) schok
Behemischer grosshen uf d(er) heylige(n) dryualdikeyt tag ane hindernis ane vffczok vnd an alles arg sw(er) h(er) sy(n)
liesen hat in dem orden noch gehorsam syner obristen Vnd ab d(er) obgenant(er) czins dem obgenant(er) bruder Erasmo nicht
gebile uf den vorstende(n) tag d(er) heilige(n) dryualdikeyt So globi(n) wyr mit de(n) obgenante(n) brudern vnd mit de(n) dynoch
kome(n) vnd kende(n) das vns d(er) usgenante brud(er) Erasm(us) bannemag mit hulfe des officials czu Bresslaw des d(er)geli(n) buslen
gancz vnd gar Vnd der obgenant(er) bruder Erasmus den selben czins gekowft hat uf dy pictanac czur Olyen czu eyne(r)
ewige(n) selgerete got czu lobe vnd czu eren vnd czu troste syner vnd syner eldirn Vnd das selbe schok geld vorkawft
ist czu Bawen uf dem genante(n) hu(s) gese(n) schok Behemisch(er) grosshen dy h(er) Erasmus kczalt hat gancz vnd gar
czunutcze de(n) brudern czur Olyen priste(n) vnd leyen das och geuallen sal uf d(er) heylige(n) dryualdikeyt tag
das selbe schok alle bruder czur Olyen gemeyne prister vnd leyen glich teyle(n) sullen eyne also vil also d(er)
andern Jnder geschicht globi(n) wir obgenante(n) bruder mit de(n) dy noch vns kome(n) vnd werde(n) dem ussgenante(n)
brud(er) Erasmo noch syne(m) tode eyne vigilie czu singen mit nu(n)en lectie gancz vnd gar an dem neste(n) dinstage
noch d(er) heilige(n) dryualdikeyt tag vnd an der cmitwoche dornoch eyne selemesse mit de(n) Conductu
Czu eyner vesterunge vnd bekentnis des brifes hab(en) wyr vns(er) Jngesigel agehange(n) der gegebi(n) yst noch got(es) geburth
Tusent virhundert dornoch in dem andern Jare am ersten donrstage noch phingsten