Wyr Eupraht von gotis gnad herczok in Slesien vnd Compthur czu Olssin, bruder des ord(ens)
Joh(ann)is von Jrl(usa)l(e)m, bekenne(n) offinlich mit disim brife alle kegenwertig vnd czuku(n)ftig luten,
das vnsir libe swest(er) Elzabeth pewseynne wolgesund leybes vnd synne vnd mit sund(er) ir(er) vnd
hat gegebin czu der pictancz(en) czu Olssin funf marg kreycz(er) g(ro)ss(en) islich(er) grossch(en) noch polissch(er)
marg czinse der vorgenant(en) swest(er) Elzabeth pewseyn(ne) jerlichen gebin sal eyne halbe
marg czinse von der pictancz(en) czu Olssin, is sy so nicht andirs die vorgenant(en) geld gegebin hat, sy
queme czu swache(n) wen adir got obir sy gebut noch irem tode, so sal dy halb marg jerlich(er) czinss
clost(er)lichen der pictancz(en) czu Olssin bliben in der gestifft, das eyn p(ri)or v(n)d co(n)ve(n)t der czu
czit(en) do sy von czu Olssin sal gebyn eyne s(ch)illing brud(er) pet(er) von Zar eyn(en) s(ch)illing tage den
and(er)n s(ch)illing czu k(ir)ch(en) dem p(ri)or vnd brudern den p(ri)ostern of den selg(en) nam(en) tag.
Adir wen got bruder pet(er) von Zare gebut vnd von d(er) w(e)lt nympt, so sal der oftgenant(e) jerlich(er)
czins eyn halb marg gancz vnd gar eyme p(ri)or vnd brudern do mit im steen alleyne den
p(ri)ostern gaffallin von d(er) pictancz(en) glich czuteylen. Vnd d(er)nne eyn p(ri)or vnd do brud(er)
p(ri)ster dy mit im czu czit(en) steen, sullen singe(n) der oftgenant(en) swest(er)n Elzabeth pewseynne
eyne vigilie mit dreyen lescze(n) alle jar noch ire(m) tode an ir jarczeit, d(er)noch am and(er)n tage
eyne selemesse, doru(m)me sy got vor ir sele sullyn biten mit fleysse. Sulche gabe vnd alles
das obne stehet geschrebin, halden wyr stete vnd gancz vnd besagen das mit craft dis briffs,
der czu wyssen vnd czu orkund vorsigilt ist mit vns(er)m anhangend(en) Jngesigel. Gescheen vnd gebin
czu Olssin noch got(is) geburt virczehenhundert jar dornoch in drytten jare an sente Galle(n)
tag des heylige(n) abbtes.