Wyr Ruprecht von gotis gnaden Herczog In slesien vnd Compt(ur) zur olszen Bekenne(n) offintlich myt desem briffe Allin den die In sehn hor(e)n adir
lesin das vor vns kome(n) ist vns(er) vndirsasse Wenczke badalbe vnd hot bekant da her an yt gesunde(m) libe myt wolbedochte(m) muthe vnd
myt wille(n) seyner elichin halbs wirtte(n) Margaretha(n) hot vff sich vorkaufft eyne halbe marg Jerliches czins vff eyne(m) w(i)d(er)keuffe(n) wedir
kalff vmb ffunff marg bemyschir grosschin polmischir zal die Im bereit seynt von den erbin hin zur olszen von der picta(n)c(ie) wege(n) be
galt vff all(i)m seyn(e)m guth das her hot zu brosia gelegin in vns(er)m ordins gebite den selbin czins globit her zu geldin vnd zu gebin Jerlich vngehin
dirt all(i)s Jar vff send Mertins tag an zu hebin der nu nehest zu kumftig wirt eyne halbe marg grosschin den egnante(n) h(er)r(e)n adir wem
sie den czins befele(n) zu hebin von der picta(n)c(ie) wege(n) vnd ab der vorgna(n)te Wenczke adir seyne re(ch)te erbin den czins nicht engebin vff
den tag als obengenant ist So globe(n) wir vnd alle vns(er) nochkome(n) d(er) Compt(ur) pffandis zu helffin d(e)n vorgna(n)te(n) h(er)r(e)n vff des vorge
na(n)te(n) Wenczke(n) guthe vnd den myt den pffandin thun vnd losen recht zcin all(i)s recht do mythe begange(n) wery an sulchir vndirscheit
ab der egnante Wenczke adir seyne re(ch)te erbin den czins wedir abelose(n) welde(n) wen hers vormochte(n) duch vmb ffunff marg der egnante(n)
mu(n)cze vnd zal vor abgericht vor sessin czins des sollin Im die vorgna(n)te(n) h(er)r(e)n gutliche(n) gu(n)ne(n) d(er) vorabgerichte(n) vor sessin czins des
habe(n) wir an gesehe(n) ere bethe vnd habin den kauff bestetigt myt vns(er)m anha(n)ge(n)d(e)n Jngesegile Gege(bin) zur olsze noch cristi
geburd virczenhu(n)dirt Jar an noch in dem szechzende(m) Jare an send Mertins tag do bie seynt gewest die erbin lewthe
Hans sturse Borge Czesche Reyncze Gzeler Heynrich Bysschoffwerd(er) Borolbig vnd vil andir erbir lewthe z(e)t(e)r(a)