Wir Rupprecht von got(es) gnaden In slesien herczog Obirster prior des ordens sa(n)cte Joh(ann)is von Jher(usa)l(e)m zu Beheme zu poln
ac(h) vnd hirre zu klobm vnd zu Raynow Bekennen offintlich mit desim Breffe Allen desin briff sehen adir horen lesen
das vor vns kome ist vnse ordens vndirsasse Maczke kussikowicz von Brositz mit gesunde leibe vnbetwungen vnd hot vff
sich vorkawft eyn firdung Jerliches zins vmb elbe schok Bemisschir grosschin polnisschir zal die en bereit bezalt hot
her petir smit Bruder vnse ordens vff allem guthe das der obgenate Maczke hot zu Brositz den selben zins globt
her zu gebin vnd zu geldin vnbeczogen alle Jor doruff vff den nehestin su(n)tag als ma(n) ynder heyligen kirchen singet
Reminiscere an zu hebin eyn firdung grosschin der obgenate muge vnd zal vnd ab der obgenate Maczke adir sey(n) geerbin
den zins nichtin gebin So globen wir dem obgenaten herr(n) petir bruder vnse ordens zupande zu helfin vnd mit
den phandin thun vnd lassen recht sam alle recht dometh begangen wercen vnd ab der obgeschrebin Maczke ad(ir)
seyne geerbin den zins wedir abe losen weldin das sal en der obgenate her petir zutulsen gennen ane
alle arg vnd wedirrede Dics habi wir an gesehin ere bethe vnd habin den Breff Bestetigeit mit vnserm
anhangenden Jngesegil Gegebin zur Olssen in vnse ordens hawse am Sontage noch Corpus xpi Noch
cristi geburt virczehnhu(n)dirt Jar dornoch in dem dreyundczwenczigisten Jare do bey seynt gewest her Andris
prior do selbist her thome von Mellewalt her niclos branth her Jacob czirbig vnd Cass(par) vns(er) dyner der
desin breff hatte Jnbevelunge vnd andir vil erbir lewthe