In namen gote Amen, Wyr Sygismundus Brolker plebanus, Nicolaus
Balbendorff, Paulus Gregor, Johannes fellerer, Nicolaus Judan, Petrus
Tost, Petrus Rützel eltesten, Martinus Paulsdorff, und Michael Paulken
procuratores, Und die gantze Communitet der Vicarien der Stifftkirchen zu
Bresslaw, ym namen und von wegen, unser, und unsrer nochkomlingen
genanter kirchen Vicarien, so mit der czeit sein werden, bekennen hiemit
offentlich das, Als vor etwan der wirdige herr Caspar Junge thum
her czu Bresslaw, yn seynem Testament eynen Jerlichen czins funff
und dreissig marck yn und auff allen guttern des dorffs Brossitz, der
achtparn wirdigen hern des hern Comptors und Convents des hauses
der Creutzhern Sanct Johannis zu Jerusalem, yn der cleinen Oels
naw, noch laut eynes Brieffs daruber gegeben, mit dem Sygill dess
Comptors vorsygelt, auch mit vorwillunge des Erewirdigen und
namhafftigen hern, des hern Priors, der Creutzhern, des heiligen
haists zu Jerusalem, durch Behem, Megern, Schlesien, und Polen
~seiner~
~und~ ym offentlich Brieffe begriffen, yn get, und bescheiden und gultig
lich czugeeygt hat, Also das genante her Comptor und Convent dertzu
Beholtz und pawer, obgeschriebens dorffs, noch obgenanter Brieffe kaufs
ynhalt, uns zur beczalunge sulcher funff und dreissig marck vorpflegt
sein Idoch umb guttes glimpffs willen und freuntlicher eynigkeit
czwischen uns gehabtt, recychen und recht und redlich hiemit unsern Brief
von wegen unser, und unser nochkomenden Vicarien, der Stifft kirche zu
Bresslaw, vorpflichten wir, das wir unangesehen die Clausel des Contracts
oder kauffs, ym Hauptbrieffe begriffen von Bczalunge funffunddreissig
marck, destoweniger nichts an vierundtzwentzig marck Bresslischs genge
hafftiger und geber müntze, also der Jerlich auff das fest Sanct Walpurgs
das halbe teil, und auffs fest Sanct Michels vor die ander helffte
wollen vorgenüget seyn, wie den genante unser nochkomlinge so
mit der czeit seyn werden, auch vorgenüget sein sullen, und fortan
vom selben her Comptor, und seynem Convent, oder Beholtzen und