Wir Caspar von Hobergkh vnnd Güetmansdorf Sanct Johannis Hierosoli
mitani Ordinis Ritter Brüeder Röm(ischer) kay(serlicher) M(ajestä)t (etc.) Rhat, Hab seidgeer als ich die Commentorei Clain Oelß im Jar Tausendt fünffhundert fünff vnd sechtzig,
Von dem Vnnsern wirdigen Wolgebornnen Herrn Herrn Wenceslao Hasen von Hasenburgk (etc.) Indig(en) vnnd auß der Cronig Obirsten mayster lauth aines außgerichten
Contracts freywillig abgetretten vnnd vbergeben, Einn offternmahl der armen Haußgenossen zu Tempelfeldt, Closter, Pfarer, Worgman, Creutzdorf, Drositz,
Eunterdorf, Callnd, Ciemen, vnnd Jengkwitz, Vorbrachten, billigen vnnd erblichen gesuechen, so sie nichen meiner Inhabung außgedachter Commentorey Clain
Oelßen gar getrewlichen gelaist bedacht, auch mit was elenndt, kumer vnnd beschwerlichaiten sie sich aldo mit Iren Weibern vnnd Kindern züernehren bewogen,
vnnd derowegen aüß mitleiden wege gedacht, wie Ich Inen noch bey meinem Leben vmb solche Ire getrewe Arbait Ain hilffe stifften, vnnd dieselbige zum gedechtnus
hinder mir lassen möchte, Hab alß hie dieselbige Jetzige vnnd künfftige Haußleüth, so sich auß den obgedachten Güttern, welche zu gedachter Commentorey Clain
Oelßen gehörig, dissen Stifftbrieff, volgender mainung außgericht, Thue aüch dasselb hiemit vnnder aller krefftigsten vnnd bestendigsten weise, Alß Nemblichen
dieser gestallt vnnd alß Nach dem Ich dem Rathe zum Briegg Dreyhundert Taller, Eüch Irer Schuldtverschreibung dero Datum Dornnstag
nach Palmarum, diß lauffenden Ein Tausent fünffhundert vnnd Siebentzigisten Jars, dieselben Järlichen mit fünffzehen Tallern zu vier vnnd dreissig groschen Iüner
müntzen, vnnd der Commentatorey Obrigkeit, Verwallter, oder Ambtsschreiber, züvberantwörtten dargeleihen, So ist mein entlicher Will vnnd mainung, wann die
Erschwernen Scholtzen vnnd freyen gemellter Gütter, Irer allten gewonhait nach, In den hailigen Ostertagen, das azaß In der Commentatorey Clain Oelßen
hallten werden, das sie obgedachter Obrigkeit, allen fleißigen, so vil Ir Järlichen auß den bewüßten Güttern vorhannden sein werden anzaigen, vnnd sie die
Scholtzen vnnd freyen, obberürte fünffzehen Taller Briegischer müntze, welche sie von der Obrigkeit, Verwallter, oder Ambtsschreiber zue Clain Oelßen empfahen werden,
mit Irem vorwissen vnnd güetbedüncken, gemellten Haußgenossen von Jar zue Jar, aüffs glaichste außspennden vnnd aüßtailen sollen, Daß were dann sach
das vnnder denselben Haußgenossen so gar vnuermügliche vorhannden wehren, die mit viel vnerzogenen Kindern beladen, oder sunst schwachait vnnd Allters halben
mit der Arbait Ire Narung künnen erwerben möchten, Aüch die so bey meiner Regierung aüff dissen Güttern gewesen, vnnd sich wolhallten hieltten, Dissen allen
soll nach güetbedüncken, vor den andern ain Vorthail gethan vnnd bewiesen werden, Do sichs aüch begebe das gedachte Dreyhundert Taller von der
Stadt Briegg abgelöset würden, So sollen ermellte Scholtzen vnnd freyen, dieselben an anndere orth, ainen vermüglichen Eüning, gemellten armen Haußgenossen züm
besten, gegen gnügsamer versicherung, widerumb aüßleihen vnnd mit der aüßtailung Järlich verfahren, wie obangemellt, Immassonst dann hiemit gedachte Scholtzen
vnnd freyen, so Jetz aüß obgenannten Güttern zu der Clain Oelßen gehörig, vorhannden oder künfftig sein werden, zue Excutorn dieses meines Stiffts erbeten vnnd Ihenen
gentzlich vertrawet haben will, Sie werden Inen die armen Haußgenossen dißfallß, trewlich lassen beuohlen sein, vnnd Angemerckt Igen meinen Willen, deß ain güetig
werck, wie sie das gegen Gott züverantwörtten haben, Järlichen mit vleiß vollbringen, Zue Vrkundt hab ich obgenannter Caspar von Hobergkh
mein angeboren Insigill an dissen Brieff hangen lassen, vnnd mich mit aigner hanndt vnnderschrieben, Was do geschehen vnnd geben ist den Sechzehenden Tag
Aprillis Anno nach Christi vnnserß lieben herrn vnnd Seligmachers Gepürdt, Im Ein Tausent fünffhundert vnnd im Siebentzigisten. (etc.)
Caspar von Hobergkh