IN NOMINE DOMINI AMEN. Anno a Christo nato Millesimo Quingentesimo Octogesimo,
die vigesimo octauo Maij, Indictione octaua, Jmperante Ser(enissi)mo ac Potentissimo Principe et D(omi)no D(omi)no
Rudolpho eius nominis secundo Romanorum Jmperatore et(c) constitutus coram me Notario et
testibus infrascriptis Reuerendus et Generosus Dominus Dominus Christophorus senior Baro a War=
tembergk in Strakonicz, sacrae D(omi)ni Joannis Hyerosolimitani militiae Prioratus per Boëmiam, Mora=
niam, Sylesiam, Poloniam, Lusatiam, Austriam, Styriam, Carinthiam, Carniolam et Forun Julij et(c)
Magister, exposuit, omnibus iam constare dictam Religionem s. Joannis ante aliquot secula
Hyerosolimis non solum originem duxisse, sed et ab eo tempore per vniuersum Christianum orbem
propagatam esse, studiosissimamq(ue) semper in acquirendis venerandisq(ue) reliquijs sanctorum
fuisse, easq(ue) Hyerosolima postea Rhodum, indeq(ue) in diuersas prouintias fratribus ordinis eiusdem
comunicare et participare no(n) neglexisse. Jnter caetera vero in Sylesiae Comenda Ordinis praedicti
vulgo Oelsen dicta Jnnocentem Bethlehemiticum ex ijs, qui ab Herode ob Christi saluatoris nostri
natiuitatem trucidati erant, iam vltra memoriam hominum etiam inde allatum, conserua=
tum esse, Quem superioribus annis R(eueren)dus et Strenuus D. Caspar ab Hoberg dicti Ordinis miles
et Commendator in Oelsen, perspectum habens, iniuria temporum et personarum ibi iam reli=
guias eiusmodi praecipue ab Haereticis floccipendi et negligi, dictum infantem Strakonicium
ad sedem Prioratem Ordinis, vbi adhuc Catholicae et orthodoxae fidei presbyteri aluntur, transmitti
curauit. Eum itaq(ue) Jnfantem in arcula lignea dictus D. a Wartembergk Jll(ustrissi)mo D(omi)no D(omi)no Wratislao
Baroni a Pernstein, D(omi)no in Touaczow, Plumbau et Leutomisslj, sacrae Rom: Caes: Ma(iesta)tis ab intimis
consilijs, et Regni Boëmiae Cancellario, militiaeque aurei velleris equiti et tanq(uam) eiusmodi rerum
obseruatori deuotissimo, ibidem praesenti et recipienti ad habendum, tenendum, et venerandu(m)
ex certa scientia, non per errorem aliquem iuris vel facti, sed iustis grauissimisq(ue) motus rationi=
bus, omni meliore, modo, via, iure et forma, quibus magis et melius potuit et ei licuit, et licet
pure, libere et irreuocabiliter dedit, donauit et titulo donationis publice et expresse in perpe=
tuum tradidit. Promittens insuper dictus D. a Wartembergk eidem D(omi)no Wratislao a Pernsteyn
pro se et successoribus suis praedictam donationem firmam, ratam, atq(ue) gratam habere et tenere
nec contra venire per se vel alium seu alios quoquo modo directi vel indirecti quouis quaesito
colore, causa vel ingenio, in iudicio vel extra, de iure vel de facto, sub obligatione omnium bonoru(m)
suorum. Super quibus omnibus et singulis praemissis praenominati Domini donans et dona=
tarius, sibi a me Notario publico fieri atq(ue) confici petierunt instrumentum et instrumenta,