Mathias von Gottes gnaden Erwelter
Römischer kaiser, auch zu Hungern vnd Böhaimb König,

Ehrwürdiger, Andechtiger, lieber getrewer, Vns hat
der auch Würdig vnd Wolgeborner, vnser lieber ge=
trewer Christoff Simon, freyherr von Thun zum Ro=
genn vnd Caldes St. Joannis Hierosolymitani ordens
Ritter, vnterthenigst zu vernehmen geben, Wermassen
von dem Großmaister zu Malta, jhm die Commenda
Klein Oelß conferieret, mit gehorsambster bitt, weil
es einczigs allein, an der jnstallation, welche dir, als
des Böhmischen priorats Receptori, gebühre, vnd zu voll=
ziehen ambtshalben obliegen soll, erwindte, Daß
wir, wegen desto schleunig= vnd vngehinderter fort=
stellung derselben, verordnung zuthuen in gnaden
geruehen wolten,
Wann dann auf vnser gnedigste Intercession gedachter
von Thun, mit solcher Commenda versehen, wir auch
wegen seiner vns, vnd vnserm hochlöblichen hauß Oester=
reich trewgeleisten dienst, darinnen er nochmals
vnuerucklichen verharret, jhme mit sondern Kayser= vnd
Königlich gnaden gewogen, vnd daher sein beförderung
auch dißfals vmb souiel mehr sehen wolten,

Dem Würdigen vnd Gestrengen vnserm lieben getrewen Christof=
fen von Nottiz auff Kauter, St. Joannis Hierosolymitani or=
dens, Ritter, vnd Commendatorn zu Striegöw.