FRATER IOANNES DE VALLETTA
Dei gratia sacrae Domus Hospitalis sancti Ioannis Hierosolymitani Magister humilis Pauperumq(ue) Iesu Christi Custos. Et nos Baiuliui Priores Commendatarij et fr(atr)es Concilii completum
Ad Dei et ordinis nostri obsequia in Domino celebrantes Venerando Religioso in Christo nobis p(rae)car(issi)mo fr(atr)i Wenceslao Sasio a Hasemburg Prioratus nostri Boemiae PRIORI
vel cuicunq(ue) alteri in eodem Prioratu Locumtenenti seu Praesidenti salutem in domino et diligentiam in commissis nostrisq(ue) firmiter obedire mandatis, Cum Capitula seu comitia
generalia a nostris maioribus sapientissime in nostro ordine instituta sint Vt fratrum nostror(um) mores reformentur, Regiminis norma dirigatur, et quae statu et publica utilitatem
concernunt componantur decreueramus sicut a R(eueren)dis sexdecim indultum et decretum erat, Vobisq(ue) postea significatum Capitulum nostrum generale tertia dominica mensis Aprilis Mill(esim)o
quingentesimo Sexagesimo Nono celebrare. Nunc uero permulta nos adhortantur, temporumq(ue) ac rerum qualitates suadent et impellunt dictum Capitulum praeuenire et antici=
pare non modo ut rebus necessarijs ad status dicti ordinis conseruationem consulatur et prouideatur, sed etiam ut damnis et detrimentis grauissimisq(ue) iacturis hactenus a
Classe et exercitu turcar(um) illatis et acceptis prouidum et opportunum remedium adhibeatur, Nos itaq(ue) in unum legitime ac more solito conuocati et congregati auctoritate et
facultate a sanctissimo Domino nostro Pontifice maximo nobis super eo concessa Virtute literar(um) Apostolicar(um) in forma Breuis inferius transcriptar(um) celebrationem dicti Capi(tu)li
ad secundam Dominicam mensis Ianuarij proxime uenturi pro publico ut praefertur nri ordinis commodo habere decreuimus et promulgauimus, Cuius Breuis tenor est
Smoi PIVS PP. V(u)s. Dilecti filij salutem et Apostolicam benedictionem, Cum sicut accepimus in Capitulo uestro generali Melitae de Anno Mill(esim)o quingentesimo
sexagesimo quinto celebrato sexdecim Capitulares suprema auctoritate et potestate in ordine uestro Hierosolymitano fungentes inter alia statuerint decreuerint et
ordinauerint ut Capitulum generale proxime futur(um) haberetur et celebraretur inchoari celebrariq(ue) deberet Dominica tertia mensis Aprilis Anni Millesimi quingentesimi sexa=
gesimi Noni modo uenturi, ad quam diem illud indixerunt, Relicta tamen et facta uobis potestate in V(est)rum Capituli generalis pro rerum et temporum qualitate Capitulum
ipsum generale ut praefertur indultum prorogandi, Caeterum cum h(uius)moi Capitula generalia in eodem ordine uestro indici et celebrari consueuerint pro quieto statu et publica
Religionis utilitate, multaq(ue) in praesentia occurrant ad uestrum ordinem et commune eius bonum spectantia, quae unius Capituli generalis celebrationem maturare anticipare
et illius tempus abbreuiare uos cogunt. Et si dictum Capitulum in statutum tempus differretur graue forsan damnum et detrimentum Vniuerso eidem ordini afferre posset, quare
nos pro paterna nostra erga uos beneuolentia, Cupientes in praemissis opportune prouidere Vobis celebrationem dicti Capituli anticipandi, et abbreuiandi, ac non
expectato termino statuto h(uius)moi illud inchoandi et celebrandi seu si uobis expediens esse et temporum qualitas id exposcere uidebitur ipsum Capitulum semel
et pluries ac toties quoties uobis placuerit prorogandi atq(ue) differendi plenam et liberam auctoritate apostolica tenore p(raese)ntium facultatem concedimus et potestatem
Non obstantibus praemissis Statuto decreto et ordinatione ac constitutionibus et ordinationibus Apostolicis, nec non dicti ordinis statutis et consuetudinibus
stabilimentis etiam naturis et usibus priuilegijs quoq(ue) indultis et literis Apostolicis ei concessis et confirmatis, quibus omnibus eor(um) tenores praesentibus pro sufficienter
expressis habentes illis alias in suo robore permansuris hac uice dumtaxat special(ite)r et expresse derogamus caeterisq(ue) contrarijs quibuscunq(ue), Datum Romae apud
sanctum Petrum sub annulo Piscatoris, Die decima Iunij Millesimo quingentesimo Sexagesimo octauo, Pontificatus nri anno tertio, Cae. Glorierius, A tergo dictar(um)
Literar(um) Dilectis filijs Magistro et Concilio completo Hospitalis sancti Ioannis Hier(osolymitani). QVA propter cum nostrae intentionis et mentis sit cessante iusto impedimento
dictum generale Capitulum eo die habere et celebrare Inuicem maturo et deliberato consilio de nostra certa scientia tenore Praesentium vobis caeterisq(ue) Baiuliuis Comenda=
tarijs et fratribus dicti Prioratus notificamus et insinuamus quod praenominatum Capitulum habebitur et diuino suffragante auxilio celebrabitur hic in Conuentu n(ost)ro
dicta secunda Dominica mensis Ianuarij proxime uenturi, Te igitur Venerande Prior monemus hortamur Citamus ac si opus fuerit, in virtute sanctae obedientiae tibi
praecipimus et mandamus ut ad praedictum Capitulum die praefixa accedas et compareas personaliter uel per procuratorem de generalibus et particularibus negotijs istius
Prioratus sufficienter instructum. Insuper tibi aut in tua absentia locumtenenti tuo seu ut praemittitur Praesidenti mandamus ut his nostris literis acceptis in Capitulo seu
Assemblea prouinciali eiusdem Prioratus ad hoc ipsum per te conuocata et celebrata illas ad claram omnium notitiam legere et publicare facias, Et habita simili consultatione
ibidem Commendatarij dicti Prioratus procuratorem de negotijs eorum bene instructum eligant et deputent ad interessendum ante dicti Capituli celebrationi deliberatio=
nibusq(ue) et consultationibus eiusdem ac Venerabilium sexdecim Capitularium actis consentiendum iuxta formam statutorum nostror(um) Necno(n) obseruando formam ordina=
tionis editae in Capitulo generali Anni Millesimi quingentesimi quinquagesimi octaui de modo transmittendi procurationes et Catalogos seu ut dicitur rotulos a Prioribus
Baiuliuis et Commendatarijs clausos et sigillatos ad Cancellariam et distribuendos suo die his ad quos pertinebunt, Significantes vobis praemissis, quod uestra absentia
uel Contumacia in aliquo non obstante Capitulum ipsum in termino statuto celebrabitur. In cuius rei testimonium Bulla n(ost)ra communis plumbea praesentibus
est appensa. Datum Melitae in Conuentu nostro. Die Decimaseptima mensis Iulij Millesimo quingentesimo sexagesimo octauo:
|ta|
In Cancell(ari)a
franc(iscus) Mego Vicecancell(arius)