Wir Ferdinand der Ander von Gottes gnaden Erwelter Romischer Kaiser
zu allen zeitten Mehrer deß Reichs, In Germanien, zu Hungarn, Böhaimb, Dalmatien, Croatien, Sclauonien (etc.) König (etc.) Ertzhertzog zu Osterreich, Marggraff in Mör
hern, zu Lützenburg, vnd in Schlesien Hertzog, vnd Marggraff in Laußitz (etc.) Thun khund vnd bekhennen hiemit offentlich, das Vns der Würdige Caspar Questen
bergk, Abbt der Clöster Strahöw vnd Iglaw, des Præmonstratenser Ordens Visitator vnd Vicarius, in vnterthänigkheit zuvernemben gegeben, Was massen etliche in Vn
serm Marggraffthumb Mörhern gelegene, vnd von alters zum Closter Iglaw gehörige Vier Dörffer, mit Namen Jentleben, Branitz, Bautz, Jekram vnd Lidmeritz, sambt
einem Märckhl Mikulowitz genant, von weiland Kaiser Rudolpho dem Andern Christmiltigsten angedenckhens, durch dero Kaiser(liche) vnd Königliche Donation vnd Confirma
tion, dem bemelten Closter Strahöw zu dessen besserm vnterhalt eigenthümlich vbergeben, vnd einverleibt worden, Bey welchen Dörffern vnd ortten, auch das Closter et
was von Weinen, auß den Zehenden, vnd eigenem gewächs hatt vnd genießet. Weill aber solche eingebrachte Wein biß hero in deß angeregten Closters Hauß
oder Pfarrhoff zu Iglaw nur abzuligen, also nicht am zapfen außzuschenckhen vnd zuverkhaufen verstattet worden, Sondern mitt grossen Vnkhosten, vnd deß Closters merck
lichen schaden, (sonderlich nachdem manches Jahr die Wein schier gerathen vnd die fuhrlon theüer sein) allererst auß dem Land, vnd nach Prag müssen gefüert werden.
Hatt Vns demnach gedachter Abbt aller Vnterthänigkheit vleissig angelangt vnd gebetten, Wir geruheten ermeltes Closters künfftige noth vnd armuth gnedigst
vnd Vätterlich zuhertzen zufassen, vnd zuvergunnen, das sie jhren Jährig dergleichen einkhombene Wein allda zu Iglaw in gemeltem Closters Pfarrhoff, offentlich am
zapfen außgeben vnd außschenckhen lassen mögen, vnd vngestörtt sein möchte. Wan Wir nun ansehen vnd betrachten, wie das Vns die Stifft vnd
Clöster in Vnsern Königreichen vnd Landen durch die leidige eingefallene Landsverwirrungen, vnd widerwertigkheiten fast vberall, vmb das Jhrige, vnd in das eüsserste
^?^ khomen seind, das sie sich kaum zu erhaltten wissen, vnd Wir billich die Ehr vnd den dienst Gottes zubefördern, vnd die Geistlichen ^?^
^?^ zuhaben, auch an jhm selbs billich ist, Was durch ^?^
<transcript stopped because model output began looping; manual review required>