Ritterlichen sachen, Schlachten, Stürmbten, Gefechten, Scharmützeln,
Thurniern, Fahnen, Gesellen, außschlagen, Insigeln, Pettschafften, Begräb
nußen, vnd sonsten aller anderer orthen vnd enden, nach jhren Ehren,
notturfften, Willen vnd wolgefallen, geniessen vnd gebrauchen können, sol
len vnd mögen, von Jedermänniglich vngehindert.
Vnd gebietten darauff allen vnd ieden Vnsern nachgesetzten
Obrigkeiten, Geist: vnd Weltlichen, Prälaten, Graffen, Herren, Freyherrn,
Rüttern, Knechten, Stadthaltern, Landt Marschalcken, Landt Haubtleü
then, Landt Vögten, Pflegern, Verwesern, Ambtleuthen, Schultheissen,
Bürgermeistern, Richtern, Räthen, Ehrenholden, Persouanten, Bürger,
Gemainden, vnd sonsten allen andern Vnsers ErbKönigreichs Böhemb,
vnd dessen Incorporirten Landen Inwohnern vnd Vnderthanen, was
Würden, Standts, Ambts, oder Wesens die seyn, hiemit Ernst: vnd vestig
lich, vnd wollen, daß Sie obbermelten Christoff Carln Freyherrn von Schir
nowa, sambt dessen Ehelichen Leibs Erben, vnd derselben Erbens Erben,
Manns vnd Weibs Persohnen, für vnd für, alß Herren vnd Freyherrn,
freyennen vnd freyhen halten, erkennen, also tituliren, schreiben, vnd
nennen, Sie auch in allen vnd ieden gemaines Landes, vnd andern Eh


<repeated/unclear continuation not safely readable>