Wir Leopold von Gottes gnaden Erwehlter Römischer Kaiser, zu
allen zeitten Mehrer des Reichs, in Germanien, zu Hungarn, Böhaimb, Dalmatien, Croatien, vnd Sclavonien König, Ertzhertzog zue Osterreich, Marggraff zue Mährern, Hertzog
zue Lützenburg, vnd in Schlesien, vnd Marggraff zue Laußnitz. Bekennen offentlich mit diesem Brieff, vnd thuen kundt allermännigclich. Als Vns Vnsere Andächtige Liebe, Andächtige vnd liebe
getrewe, Hieronimus, deß Stiffts vnd Closters Strahof, vnd Anna Clara, deß Jungfrawen Closters zue Doxan, beede Prämonstratenser Ordens, in Vnserm ErbKönigreich Böhaimb, Abbte vnd Priorin,
aller vnterthänigst zue vernemmen geben, was massen zwischen jhnen, vnd jhren Clöstern, in puncto Jurisdictionis, vnd anderer strittigen Puncten, ein gütlicher Vergleich getroffen, vnd vns vmb Vnsere gnädigste
Confirmation, vnd Bestättigung, aller vnterthänigst gebetten. Wann Wir nun gnädigst angesehen, daß solcher Vergleich, zu mehrerem friden, vnd einigkeit, gereichet, vnd Vnsere Königliche
Prærogativa, vnd Gerechtigkeit, darbey in nichten præiudicirt wirdt. So haben Wir denselben, in allen seinen Puncten, Clausulen, vnd Articuln, wie der von wortt zue wortt hernach folget:
In Nahmen der Heyligen Vnzertheilten Dreyfaltigkeit, Amen. Kundt vnd zue wissen sey allermännigclich, daß nach dem zwischen dem Hochwürdigen, in Gott Andächtigen Herrn, Herrn
Hieronimo, deß Stiffts vnd Closters Strahof, Prämonstratenser Ordens, in der Königlichen Alten Stadt Prag, Abbte, an einem, vnd der Andächtigen, vnd Geistlichen Frawen, Frawen
Anna Clara, deß Jungfrawen Closters zue Doxan, gedachten Ordens, Priorin, am andern theil, in puncto Jurisdictionis, vnd anderer strittigen Puncten, ein gütlicher Vergleich getroffen, vnd
aufgericht worden, welcher von wortt zue wortt also lauttet: ^15l^
Ad mandatum Sac(rae) Cæs(areae)
Regiæq(ue) Matt(at)is proprium.
Barthol(omeus) Zier