Wir Sigmund von gotes gnaden Romischer kunig zu allezeiten merer des Richs vnd zu hungern zu Behem Dalmacien
Croacien (et)c(etera) kunig Bekennen vnd tun kunt offenbar mit disem brief allen den die In sehen oder horen lesen Das wir haben an=
gesehen soliche trewe vernunfte vnd wisheit als wir an den Edeln Albrechten von Coldicz Mikel von Cilenicz vnd Janko
von der Swydnicz vnsern lieben getrewen erkant vnd erfunden haben vnd haben In dorumb vnd Ir iglichem ab die andern
dabey nicht gesein mogen vollen gewalt vnd macht gegeben mit dem Erewirdigen Conraten Byschof zu Breslaw vnd
den hochgebornen herczogen in Slesien vnsern lieben Oheimen vnd fursten zuterdingen vnd vberein zuwerden vmb
ein buntniss zwyschen vns vnd In vnd dem dewtschen orden zu prewssen zumachen zuuerschriben zu enden vnd zuuol=
furen vnd was sy oder Ir einer in den egen(anten) sachen terdingen enden vnd vberein werden das wollen wir stete veste vnd
vnuenrucket halden vnd volfuren glicherweis als wir leiplich dabey gewesen weren vnd das selber geterdingt vnd geendet
hetten Mit vrkund disz briefs versigelt mit vnserm kuniglichen anhangendem Insigel Geben zu Nuremberg nach Cristi
geburt vierzehenhundert Jare vnd dornach in dem Czwaiundzwainczigsten Jare an vnser lieben frawen abend Natiui
tatis vnser Rche des hungrischen (et)c(etera) In dem xxxvj des Romischen In dem Eilfften vnd des Behemischen In dem dritten
Jaren