W(ir) hanuschco von p(re)stk Richter Hannan Alder hanus kammer schepfenmeister in den czeiten Wenceslaus kaufman
Bernhard Czoblowicz Nicolaus herman Hana von kruden fridusch Remsweck peter Schuttenhof Thomas Egerer Midas
Thawbner Wenczlaw peterman Cristan Goldsmid ludweyk Egerer vnd ander Schepfen gemeinlich des pergs zun Chutten
Bekennen vnd tun kunt allen die disen briue sehen ader horn lezen Das fur vns in einen vollen Rat do alle ding craft vnd macht
nemen vnd behalden kumen ist der Bescheiden hanuschco von pykang etwen des Conrades Munczschreybers sun vns(er) mitpurg(er)
vnd hatt bekant von seinen vnd aller seiner erben vnd nachkumlingen wegen daz er recht vnd redlich vorkauft vnd
aufgeben hat vorkauft vnd aufgibt in craft dicz brifes vff seinen hof vnd Erbe zum klein pykang in Czaslawer kreys gelegen
vnd vff allen seinen inigen vnd zugehornigen wye dy genant mugen werden Czehen schok gross prager muncz Jerlichs
vnd ewiges zinses Dem Erbern vnd weisen Jacobo wolgemut von Nurenberg vnserm mitpurger seinen erben vnd nach
kumlingen vmb hundert schok guter gross die der egnan(te) hanuschco an bereytem geld von dem vorgenan(ten) Jacobo gancz
vnd gar hatt empfangen Czugeben vnd zinsen ein halfenteyl des egnan(ten) zins das sein funf schok guter gross vff sant
Jurgentag der nu am schiesten kumpftig ist vnd das ander halfenteil funf schok der egnan(ten) gross vff sant Gallen
tag darnach vnd also zutun vnd zu zinsen vff die egnan(ten) zinsteg Jeriklich vnd ewiclich vnvorzogentlich in zukum
ftigen czeiten vberaber sach ab der egnan(te) hanuschco sein erben vnd nachkumlingen des vorgenan(ten) hoffs vnd Erbe
zu pykang besiczer an der bezalung der vorgenan(ten) zinse sewmig wurden zu welichem zinstag das gesche do got fursey
So slezuhant vff ein iczlich schok gross des vorsessen zinses alle wochen Sechs gross zu rechter zinspus dy weyl
der zins vn Vorgolden ist gen vnd wachsen Wen den der obgenan(te) Jacobus sein erben ader nachkumlingen des
vorsessen zins vnd der bussen die darauff gangen vnd gewachsen wern nicht lenger beyten noch enpern wollen
So mugen si mit eygner craft ader mit hulff Richters vnd der Schepfen di den in czeiten sein werden ader mit hulf
aller vnd iglicher der si darzu geisen mugen das obgenan(te) gut vnd erb zu pykang vnd alle seine varende vnd
vnvarende hab pfenden diselben pfant treyben tragen furen geteylt ader mittenander zuvorkaufen ader zu
vorseczen vnder Cristen ader Juden an aufyebot eines iglichen gerichtes mit vollen rechten vnd das so oft zutun als oft
der egnan(te) zins zu seinen gewonlichen zinstegen blib vnvorgolden mitsampt den busen di dorauf gangen wern vnd
gewachsen vnd wen der obgenan(te) hanuschco sein erben vnd nachkumlingen des egnan(ten) Erbes besiczer vff einem
andern freyen gut das vierhundert schok gross an schuld wert ist vnd das do bey einer meyl vmb den perg
gelegen ist kauffen Czehen schok gross prager muncz Jerlichs vnd ewiges zinses So sol das vorgeschriben gut
vnd Erb zum pykang von denselben zehen schocken zinses frey sein vnd ledig vnd wer disen kegenwortigen
brieff mit recht hat dem gepurn alle vorgeschribene recht Diser sach zugezewkniss vnd bess(er) sicherheit
haben wir vnser groser Ingesigel durch Jrer beyder bet willen gehangen an disen brieff der do geschriben
ist Noch Cristi geburt vierczehenhundert Jar vnd darnach in dem Newnten Jar des Nesten mitwochs
fur sant Thomas tag des heyligen Czwelfboten