LEO PP. XIII.
Ad perpetuam rei memoriam. Omnium saluti paterna charitate intenti, sacra interdum loca spiritualibus indulgen
tiarum muneribus decoramus, ut inde fidelium defunctorum animae D(omi)ni N(ost)ri Iesu Christi eiusque Sanctorum suffragia merito
rum assequi, et illis adiutae ex Purgatorii poenis ad aeternam salutem per Dei misericordiam perduci valeant. Volentes igitur
Collegiatam et Parochialem Ecclesiam titulo S. Venceslai Martyris, loci qui ,,Vetus-Boleslavia,, nuncupatur, Dioecesis Pragensis,
et in ea situm Altare maius, dummodo praeter unum ad septennium et aliud vi facultatis a Sancta Sede Ordinario forte con
cessae designatum vel designandum, nullum aliud inibi Altare privilegiatum reperiatur concessum, hoc speciali dono il
lustrare, de Omnipotentis Dei misericordia ac B. B. Petri et Pauli Apostolorum eius auctoritate confisi, ut quandocumque
Sacerdos aliquis Saecularis vel cuiusvis Ordinis, Congregationis et Instituti Regularis Missam pro anima cuiuscumque
Christifidelis, quae Deo in charitate coniuncta ab hac luce migraverit, ad praefatum Altare celebrabit, anima ipsa de the
sauro Ecclesiae per modum suffragii Indulgentiam consequatur, ita ut eiusdem D(omi)ni N(ost)ri Iesu Christi ac B(eatae)mae Virginis
Mariae, Sanctorumque omnium meritis sibi suffragantibus, a Purgatorii poenis, si ita Deo placuerit, liberetur, concedimus
et indulgemus. Non obstantibus in contrarium facientibus quibuscumque. Praesentibus perpetuo valituris. Datum Romae apud
S. Petrum sub Annulo Piscatoris, die XXII Novembris MDCCCXCIV. Pontificatus Nostri Anno Decimoseptimo.
Pragae die 10. Dec 1894
Consentimus
+ F. Card. Schönborn
Archiep
Pro Dno Card. De Ruggiero
Nicolaus Marini
Sub